31 arna men informburo.kz О́temuratovtyń ýysynan shyqty

Foto: ashyq derekkóz

Quramynda 31 arna men informburo.kz saıty bolǵan «31» medıaholdıngtiń quryltaıshysy aýysty, dep habarlaıdy Qandastar.kz. Buǵan deıin ol kásipker Bolat О́temuratovqa tıesili bolǵan.

Egov-ta kórsetilgendeı, kompanııa 25 qyrkúıek kúni qaıta tirkeýden ótken. Telekompanııanyń qazirgi quryltaıshysy – «Ádildik jáne órkendeý» qory retinde kórsetilgen qor. Ol 2022 jyly qurylǵan. Al qordyń quryltaıshysy – ár jyldary «31 arna», «Almaty» men «Qazaqstan» respýblıkalyq teleradıokorporaııasyn basqarǵan Nurjan Muhamedjanova men Gúljan Marqabaeva dep kórsetilgen. Olar qazir qujatta atalǵan qordyń baspasóz hatshysy retinde kórsetilgen.

Qordyń bas dırektory – jýrnalıst Dana Rysmuhamedova. Ol 2013 jyldary burynǵy «Nur Otan» partııasynyń aqparattyq komıtetetiniń basshysy qyzmetin atqarǵan.

«Ádildik jáne órkendeý» uıymynyń saıtynda qor ár saladaǵy belsendi azamattardyń bastamasymen qurylǵany jazylady.

«Qoǵamdyq Qor eldiń barlyq óńirinen jınalǵan belsendi azamattardyń bastamasymen quryldy. Bizdiń aramyzda – ónerkásip kásiporyndarynyń jumyskerleri, fermerler, kenshiler, qutqarýshylar, dárigerler, muǵalimder men jýrnalıster, túrli ÚEU ókilderi bar. Biz óz kúshimizdi, jınaǵan tájirıbemiz ben múmkindikterimizdi árbir otandasymyzdyń Ádiletti Qazaqstandy shynaıy sezinýine jumsaǵymyz keledi», – delingen onda.

Qordyń maqsaty – «Prezıdent Qasym-Jomart Toqaev bastaǵan ádiletti Qazaqstandy qurý jolyndaǵy reformalarǵa óz úlesin qosýǵa yntaly, belsendi azamattyq ustanymy bar qazaqstandyqtardy biriktirý».

«31» medıaholdıng buǵan deıin Bolat О́temuratovtyń aktıvterin basqaratyn «Vernyı Kapıtal» kompanııalar tobyna tıesili bolǵan.