جاڭالىقتار
31 ملن تەڭگە ۇرلاعان بانك مەنەدجەرى رەسەيدەن ەكستراديتسيالادى
قازاقستان رەسپۋبليكاسىنىڭ باس پروكۋراتۋراسى سەنىپ تاپسىرىلعان بوتەننىڭ مۇلكىن اسا ءىرى مولشەردە ۇرلاعانى ءۇشىن قىلمىستىق جاۋاپتىلىققا تارتۋ ءۇشىن كۇدىكتىنى رەسەي فەدەراتسياسىنان ەكستراديتسيالادى, دەپ حابارلايدى Qandastar.kz اقپارات پورتالى.
تەرگەۋ نۇسقاسى بويىنشا ول 2015-2017 جىلدار ارالىعىندا استانا قالاسى بانكتەرىنىڭ ءبىرىنىڭ فيليالىنىڭ جەتەكشى مەنەدجەرى بولا وتىرىپ, سوماسى 31 ميلليون تەڭگەدەن استام اقشا قاراجاتىن يەمدەنىپ, تالان-تاراجعا سالعان.
قىلمىس جاساعاننان كەيىن كۇدىكتى جاسىرىنىپ, وسىعان بايلانىستى حالىقارالىق ىزدەۋ جاريالاندى.
وتكەن جىلدىڭ ماۋسىم ايىندا ىزدەۋدە جۇرگەن ادام رەسەي فەدەراتسياسىنىڭ ماسكەۋ قالاسىندا ۇستالدى جانە قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديتسيالاندى.
قازىرگى ۋاقىتتا ول تەرگەۋ يزولياتورىنا قامالدى.
ايىپتالعان قىلمىستى جاساعانى ءۇشىن مۇلكىن تاركىلەۋمەن جەتى جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
