Jańalyqtar
35 mıllıard teńge shyǵyn: “SQ-Farmaııa” Bas prokýratýranyń tergeýine ilikti
Foto: Dalanews.kz.
Bas prokýratýra Joǵarǵy aýdıt palatasynyń (JAP) aýdıt qorytyndysy boıynsha anyqtalǵan iri kólemdegi qarjylyq buzýshylyqtarǵa baılanysty “SQ-Farmaııa” JShS-ne qatysty sotqa deıingi tergeýdi tirkedi, dep habarlaıdy qandastar.kz Dalanews.kz-ke silteme jasap.
Bul týraly Májilis depýtaty Baqytjan Bazarbek áleýmettik jelilerde habarlady.
Anyqtalǵan buzýshylyqtar
Depýtattyń málimetinshe, JAP júrgizgen aýdıt barysynda mynadaı derekter anyqtalǵan:
“Infekııalyq aýrýlarǵa qarsy preparattar ǵylymı ortalyǵy” AQ:
- 166,4 mıllıon teńgege jalǵan klınıkalyq zertteýler júrgizilgen;
- jetkizilmegen jabdyqqa baılanysty 36,7 mıllıon teńge negizsiz ıgerilgen.
“SQ-Farmaııa” JShS:
- dárilik zattardy satyp alý kezinde bıýdjetke keltirilgen boljaldy shyǵyn — 35,8 mıllıard teńge.
“KazMedProm” JShS:
- medıınalyq qolǵaptardy jetkizý kezinde baǵanyń asyra kórsetilýine baılanysty 5,3 mıllıard teńge kóleminde qarjy tıimsiz paıdalanylǵan.
Tergeý barysy
«Dári-dármek satyp alýdaǵy 35,8 mıllıard teńge kólemindegi shyǵyn faktisi, sondaı-aq “KazMedProm” JShS tarapynan medıınalyq qolǵaptardy joǵary baǵamen satý oqıǵasy Bas prokýratýranyń aqparattardy esepke alý kitabyna (AEK) tirkelip, proestik sheshim qabyldaý úshin Qarjy monıtorıngi agenttigine berildi», – dep jazdy Bazarbek.
Sonymen qatar, jalǵan zertteýler men 200 mıllıon teńgeden astam maqsatsyz qarjy ıgerý boıynsha “Infekııalyq aýrýlarǵa qarsy preparattar ǵylymı ortalyǵy” AQ-nyń qyzmetin tekserý úshin Almaty qalasynyń prokýratýrasyna tapsyrma joldanǵan.
Bas prokýratýra sondaı-aq “SQ-Farmaııa” JShS men Dárilik zattar men medıınalyq buıymdardy saraptaý ulttyq ortalyǵyna qatysty qosymsha tekserýler bastaý týraly sheshim qabyldady.
Aıta keteıik, “SQ-Farmaııa” JShS — Qazaqstanda tegin medıınalyq kómektiń kepildendirilgen kólemi men mindetti áleýmettik medıınalyq saqtandyrý júıesi aıasynda dárilik zattar men medıınalyq buıymdardyń biryńǵaı dıstrıbıýtory. Kompanııa dári-dármek satyp alý, saqtaý jáne eldegi medıınalyq uıymdarǵa jetkizýmen aınalysady.
Eske sala keteıik, 4 maýsym kúni Májilistiń jalpy otyrysynda Joǵarǵy aýdıt palatasynyń tóraǵasy Álıhan Smaıylov eldegi dári-dármekpen qamtý júıesin qatty synǵa alǵan bolatyn.
