«350 er azamat shaqyrylǵan»: Almatyda ımam tek erkekterdi jınap toı jasaǵan

Almatyda buryn Qazaqstan musylmandary dinı basqarmasynyń (QMDB) bas múftıi qyzmetin atqarǵan Sansyzbaı Qurbanulynyń qyzynyń uzatý toıy ótti, dep habarlaıdy Qandastar.kz.

Saltanatty sharaǵa 350-ge jýyq er adam qatysty. Qonaqtar qatarynda zııaly qaýym ókilderi, din qaıratkerleri men qoǵam belsendileri boldy. Uıymdastyrýshylardyń aıtýynsha, toı sharıǵat talaptaryna saı ótkizilgen.

Jıynda aqsaqaldar jas otaýǵa bata berip, izgi tilekterin jetkizdi.

Alaıda áleýmettik jelilerde ótken toıǵa qatysty túrli pikir aıtyldy. Keıbir qazaqstandyqtar qyz uzatý dástúrli túrde áıelder men erlerdiń birge qatysýymen ótetinin eskerip, mundaı formattyń qazaqy salt-dástúrge jat ekenin alǵa tartty.

«Qyzdy anasy, ápkeleri, jeńgeleri shyǵaryp salýy tıis edi, bul — qazaqqa jat», – degen pikirler jazyldy.

Sonymen birge, basqa bir bóligi sharany sharıǵat talaptaryna saı ótkizilgenine oń baǵasyn berip, ár otbasynyń toıdy uıymdastyrýda óz tańdaý quqyǵy bar ekenin atap ótti.