جاڭالىقتار
4,4 ميلليون تەڭگە پارا العان: انتيكور اۋىل شارۋاشىلىعى مينيسترلىگى كوميتەتىندەگى تەرگەۋدىڭ ءمان-جايىن ايتتى
فوتو: اشىق دەرەككوز
سىبايلاس جەمقورلىققا قارسى ءىس-قيمىل اگەنتتىگى اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ توراعاسىنا قاتىستى سوتقا دەيىنگى تەرگەۋدىڭ اياقتالعانىن مالىمدەدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ەكس-شەنەۋنىك شەگىرتكەگە قارسى پەستيتسيدتەردى جەتكىزۋ جونىندەگى قىزمەتتەردى مەملەكەتتىك ساتىپ الۋ شارتى قۇنىنىڭ 5% كولەمىندە, ياعني 4,4 ميلليون تەڭگە پارا الدى دەپ ايىپتالدى.
“سوتتىڭ سانكتسياسىمەن لاۋازىمدى تۇلعا مەن كاسىپكەر ۇيقاماققا الىندى. بيىل 31 قازاندا باس پروكۋراتۋرا ايىپتالۋشىلاردى سوتقا بەردى. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى”, – دەلىنگەن حابارلامادا.
