جاڭالىقتار
«4,5 ملرد تەڭگەدەن اسا اقشا ۇرلاعان»: جەتىسۋ وبلىسىندا مەملەكەت قارجىسىن جىمقىرعان 21 ەسەپشىگە سوت ۇكىمى شىقتى
ۆيدەودان سكرين
ۇيىمداسقان قىلمىستىق توپ قۇرعان ءبىلىم ءبولىمىنىڭ باس ەسەپشىسى مەن ونىڭ سىبايلاستارى 7 جىلدان 15 جىلعا دەيىن باس بوستاندىعىنان ايىرىلدى. بۇل تۋرالى Stan.kz اقپارات اگەنتتىگى 31-ارنانىڭ «ينفورمبيۋرو» باعدارلاماسىنا سىلتەمە جاساپ حابارلايدى.
21 سوتتالۋشىنىڭ ءۇش جىل بويى ءىس جۇزىندە جۇمىس ىستەمەگەن ادامدارعا جانە مەكتەپ قىزمەتكەرلەرىنە ايلىقتان بولەك اقشا اۋدارىپ كەلگەنى دالەلدەندى. وسىلايشا ولار 4,5 ملرد تەڭگەدەن اسا بيۋدجەت قارجىسىن ۇرلاعان. اتالعان زاڭ بۇزۋشىلىقتارعا كوز جۇمىپ كەلگەن رەۆيزيالىق كوميسسيانىڭ باسشىسى مەن ونىڭ مۇشەلەرىن پروكۋراتۋرا تەكسەرىپ جاتىر.
سۋديا قىلمىستى ۇيىمداستىرعان ءۇش ايىپتالۋشىنى 12 جىلدان 15 جىلعا دەيىن, ال باسقا سوتتالۋشىلاردى 7 جىلدان 11 جىلعا دەيىن باس بوستاندىعىنان ايىردى. تاعى ەكى ەسەپشى كەلتىرىلگەن شىعىندى تولىعىمەن وتەگەندىكتەن 7 جىلعا شارتتى تۇردە سوتتالىپ, ەندى بىرىنە قاتىستى ءىس ونىڭ قايتىس بولۋىنا بايلانىستى توقتاتىلدى.
ادۆوكات سوتتالۋشىعا وتە قاتاڭ جازا تاعايىندالدى دەپ سانايدى.
«پروكۋرور سوتتالۋشىعا نە سەبەپتى باس بوستاندىعىنان ايىرۋ جازاسىن سۇراعانىن نەگىزدەمەدى. نەگە ونداي ادامدار قوعامنان وقشاۋلاۋ كەرەك? ول بۇعان دەيىن سوتتالماعان. دەنساۋلىعىن, جاسىن ەسكەرۋگە بولاتىن ەدى», – دەيدى زاڭ وكىلى دينارا ابدىكارىموۆا.
