4 banktiń qyzmetkerleri qylmystyq top qurǵan ba?

Jaqynda prokýratýra naryqtaǵy 4 iri bank qyzmetkerleriniń qylmystyq topqa qatysy bary týraly málimet taratty. Kóp uzamaı qylmystyń iste aty atalǵan bankter birlese málimdeme jasap, jaýap berdi, dep habarlaıdy  Qandastar.kz.

Este bolsa, 2 qyrkúıekte Aqmola oblysynyń prokýratýrasy qylmystyq toptyń áreketi týraly aqparat jarııalap, oǵan bankterdiń keıbir qyzmetkerleriniń qatysy baryn aıtqan. Prokýratýranyń málimetinshe, qylmystyq top áreketinen qazaqstandyqtarǵa 3,7 mlrd teńge kóleminde zalal kelgeni aıtylǵan. Alaıda bankterdiń Qazaqstan qarjygerler qaýymdastyǵymen birlesip jasaǵan málimdemesinde prokýratýradan resmı qujat pen habarlama almaǵany jazylǵan.

Qarjy uıymdary bul istiń mán-jaıy ózderine belgisiz ekenin, biraq resmı qujattar usynylsa, tergeýge barynsha qoldaý kórsetýge daıyn ekenin málimdedi. Sondaı-aq bankter prokýratýraǵa resmı suraý joldap, qosymsha aqparat berýdi surap otyr.

Bankter óz qyzmetin zańǵa saı, ashyq júrgizetinin jáne klıentterdiń quqyqtary men múddelerin qorǵaýdy basty mindet sanaıtynyn atap ótti.

Qazaqstan qarjygerler qaýymdastyǵy men bankter quqyq qorǵaý organdaryn qoǵamdyq rezonans týdyratyn taqyryptarda málimdeme jasaǵanda salmaqty bolýǵa shaqyrdy. О́ıtkeni mundaı aqparat qarjy ınstıtýttarynyń iskerlik bedeline nuqsan keltirýi múmkin.