4 jasar Jannurdyń qolyn julyp áketken: Kináli júrgizýshi áli qamalmaǵan

Foto: ashyq derekkóz

Túrkistan oblysy, Keles aýdanyna qarasty Alǵabas aýylynyń turǵyny Janar Alharqyzy júıtkigen kólik tórt jasar qyzdyń qolyn julyp áketkenin aıtty. Eń soraqysy, mas kúıinde kólikti tizgindegen er adam áli kúnge deıin qamalmaǵan, dep habarlaıdy Qandastar.kz.

«Kóremiz» baǵdarlamasynan kómek suraı kelgen ananyń aıtýynsha, senbi kúni balabaqshaǵa barmaǵan qyzy sol kúni ata-anasymen birge qarbyz satýǵa shyqqan. Telefon qarap otyrǵan búldirshindi jáne atasy, ákesi otyrǵan tusqa qaraı qatty jyldamdyqpen kelgen kólik birneshe adamdy jaraqattaǵan. Osynyń saldarynan 4 jasar búldirshin eki qolynan jarymjan bolyp qalǵan.

Osydan 4 jyl buryn dál osy jol ulynyń ómirin qıǵanda keshirim bergen ana birneshe jyl ótken soń dál osy jol qyzynyń eki qolynan aıyryp otyr.

Odan bólek, 4 jasar Jannurdyń emine dep qarjy jınaǵan bloger otbasyna halyqtan túsken qarjyny tolyǵymen bermegen kórinedi.