جاڭالىقتار
40 ميلليون العان: تالدىقورعان پوليتسياسىنىڭ ەكس باستىعى زورلاعان ايەل قاماۋعا الىندى
فوتو: اشىق دەرەككوز
تالدىقورعان پوليتسياسىنىڭ ەكس-باسشىسى مارات كۇشتىباەۆتىڭ ءىسى كۇردەلەنىپ بارادى. كۇشتىباەۆ زورلاعان ايەلدىڭ ءوزى قازىر ۇيقاماققا الىنعان. ول الاياقتىق جاسادى دەگەن كۇدىككە ءىلىنىپ وتىر, – دەپ جازادى qandastar.kz
جابىرلەنۋشى ايەل كۇشتىباەۆتىڭ ايەلىنىڭ 40 ميلليون اقشاسىن الاياقتىق جولمەن يەمدەنگەن. ول جالعان كۋالىك بەرۋگە كەلىسكەن دەيدى ينسايدەر. ىسكە جابىرلەنۋشىمەن بىرگە ونىڭ جىگىتى, بۇرىنعى پوليتسيا قىزمەتكەرى (قازىر ۋاقىتشا ۇستاۋ يزولياتورىندا), سونداي-اق تالدىقورعان قالالىق سوتىنىڭ حاتشىسىنىڭ دا قاتىسى بار بولىپ شىقتى.
ەسكە سالايىق, 2023 جىلدىڭ قاراشاسىندا تالدىقورعان پوليتسياسىنىڭ باستىعى مارات كۇشتىباەۆ 27 جاستاعى ايەلدى زورلادى دەگەن كۇدىكپەن ۇستالعان بولاتىن. كەيىن جابىرلەنۋشىنىڭ ادۆوكاتى وقيعانىڭ ءمان-جايىن ايتىپ بەردى. ونىڭ ايتۋىنشا, 2023 جىلدىڭ 12 قاراشاسىندا تالدىقورعاندىق ايەل قوعامدىق ءتارتىپتى بۇزدى دەگەن ايىپپەن ىشكى ىستەر بولىمىنە جەتكىزىلىپ, كەيىن ول باستىقتىڭ كابينەتىندە زورلانعان.
وسى جىلدىڭ ءساۋىر ايىنىڭ سوڭىندا سوت ۇكىمى بويىنشا كۇشتىباەۆ كىنالى دەپ تانىلىپ, قىلمىستىق كودەكستىڭ 120-بابى 2-بولىگىنىڭ 5-تارماعى بويىنشا 11 جىلعا باس بوستاندىعىنان ايىرىلدى. ول سونداي-اق ماراپاتتارىنان جانە «پوليتسيا پولكوۆنيگى» ارنايى اتاعىنان ايىرىلدى.
