«400-ge jýyq adam juqtyrǵan»: Reseıde koronavırýstyń jańa shtammy beleń aldy

Foto: Ru.freepik.com

Reseıde jańa SARS-CoV-2 koronavırýsynyń XFG shtammyn (Stratýs) juqtyrǵandar sany artyp keledi, dep jazdy qandastar.kz

Rospotrebnadzor bul ınfekııa burynǵy túrlerine qaraǵanda jyldam taraıtynyn eskertti. Bul týraly Stan.kz aqparat agenttigi RBK basylymyna silteme jasap habarlaıdy.

Reseıde tarap jatqan XFG shtammy tez taraǵanymen kóbine jeńil túrde ótedi. Rospotrebnadzordyń málimetinshe, qazir 384 jaǵdaı anyqtaldy. Vedomstvo basshysy Anna Popova “Stratýs” shtamymen juqtyrý jaǵdaılary kún saıyn ósip jatqanyn habarlady.

“Olardyń sany 300-ge jetken, odan 384 boldy, aldaǵy ýaqytta budan da kóp bolady”, — dedi Anna Popova.

Vırýs juqtyrǵan naýqastarda mynadaı belgiler baıqalady: jótel, tamaqtyń aýrýy, daýys qarlyǵýy nemese qyryldaýy, tumaý, bas aýrýy, jalpy álsizdik pen sharshaǵyshtyq, sondaı-aq bulshyqetterdiń syrqyraýy. Erekshe belgilerdiń biri – daýys qarlyǵýy. Ádette ınfekııa asqynýlarǵa ákelmeıdi.

Anna Popova koronavırýs genovarıanttarynyń árqaısysy vırýsqa tirshilik etýge jáne evolıýııalanýǵa múmkindik beretin erekshe qasıetterge ıe bolatynyn atap ótti. Sonymen qatar ınfekııanyń saldary ártúrli bolýy múmkin, sondyqtan aldyn alý sharalaryn saqtap, kútiný keregin eskertti.

“Reseıde “Stratýs” shtammyn alǵash ret juqtyrý jaǵdaıy 2025 jyly 24 sáýirde tirkelgen, al álemde alǵash ret bul vırýs bıyl 27 qańtarynda Kanadada anyqtalǵan. Shilde aıynyń sońyna qaraı Reseıde 114 rastalǵan jaǵdaı tirkeldi. Aýrýdyń 54%-y Máskeýge tıesili boldy, qalǵany Máskeý, Magadan, Sverdlov jáne Lenıngrad oblystarynda tirkeldi”, – dep málimdedi Rospotrebnadzor.

Reseıdiń densaýlyq saqtaý mınıstrligi jańa shtammnyń baqylaýda ekenin aıtyp, alańdaýǵa negiz joq dep sendirdi.