400-ge jýyq qazaqstandyq oqýshynyń UBT nátıjeleri joıyldy

Foto: dauletten.kz

Ulttyq testileý ortalyǵy negizgi UBT-nyń aralyq qorytyndylaryn usyndy. Bul týraly Stan.kz aqparat agenttigi habarlaıdy.

Ortalyqtyń málimetine súıensek, negizgi UBT-2024 bastalǵaly beri 211 myń ret test tapsyryldy.

Talapkerlerdiń 76%-y shekti ball jınap, ortasha ball – 68 ball boldy.

Sonyń ishinde:

• eń joǵary ball – 138 ball;
• erekshe bilim berý qajettiligi bar 577 talapker qatysty.

Ereje buzǵany úshin 396 adamnyń nátıjeleri joıyldy. 267 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy.

Testileý kezinde erejelerdi buzǵany úshin aýdıtorııadan 120 adam shyǵarylyp, beınejazbalardy tekserýden soń ereje buzǵan 9 adamnyń nátıjesi joıyldy. Bógde tulǵalar anyqtalǵan joq.

Testke qatysýshylardyń basym bóligi, atap aıtqanda, 18%-y «Matematıka-Fızıka», 16%-y «Bıologııa-Hımııa» pánder kombınaııasyn tapsyrdy. 15%-y «Shyǵarmashylyq emtıhan» kombınaııasyn tańdaǵan.

Eske salaıyq, 19 maýsymda Almatyda UBT tapsyrý kezinde tehnıkalyq aqaýlar paıda bolǵanyn jazǵan edik. Saldarynan almatylyq mektep túlekteri Ulttyq biryńǵaı testileýden óte almady. Tapsyra almaǵan túlekterge UBT kúnderi keıinge shegerildi.