«42 500 teńge alıment tóleıdi»: Taldyqorǵandyq kelinshek Almaty oblysynyń eks-ákimi Batalovtan nekesiz balasy baryn aıtty

• Foto: vıdeodan skrın

Qarlyǵash (esimi ózgertilgen) esimdi áıel Almaty oblysynyń burynǵy ákimi Amandyq Batalovpen arada nekesiz týylǵan bala baryn aıtty. Áıel Nege.kzportalyna bergen suhbatynda eks-sheneýnikpen qalaı tanysqanyn, onyń adamdarynan qoqan-loqy kórgenin jáne sotta qyzynyń ákesi Amandyq Batalov ekenin dáleldeı almaı álek bolǵanyn baıandap berdi. Bul týraly qandastar.kz aqparat agenttigi habarlaıdy.

Kelinshek Amandyq Batalovpen ol Almaty oblysy ákiminiń orynbasary qyzmetinde bolǵanda bir janaza kezinde tanysqanyn aıtady. Eks-sheneýnik áıeldi kórip, basqa adam arqyly telefon nómirin aldyrtqan.

“Ol kezde men ajyrasqan edim. Kúıeýim eki balamen tastap ketti. Jumyssyzbyn, balalarym kishkentaı. О́zi menimen tanyspaq bolyp qaıta-qaıt habarlasty. Birde júrgizýshisi kelip meni Batalovtyń “Kazahstanskıı” kóshesindegi úıine apardy. Sonda ekeýimiz jaqynyraq tanystyq. Sol kezde maǵan jaqsy adam bolyp kórindi. О́mirim týraly surady. Men áke-sheshemniń joǵyn, kúıeýimniń eki balamen tastap ketkenin aıttym. Tapqanym tamaqtan artylmaıtyn. Páter jaldaýǵa aqsha bolmaıtyn. Basymda baspana joǵyn jylap otyryp aıttym. Sodan ol maǵan kómektesemin dep ýáde berdi. Keıin ol kisimen jaqyn qarym-qatynasta boldyq. Sóıtip Batalovtan bala kóterdim”, – deıdi Qarlyǵash.

Áıel júkti ekenin bilgende sheneýnikke aıtpastan balany aldyryp tastamaq bolǵan. Alaıda jasandy túsik jasatýǵa júregi shyǵamaǵan. Dese de Qarlyǵash eks-sheneýnikpen baılanysta bolǵanyn aıtady. Arasynda otbasyna baryp júrgende Batalov habarsyz ketken. Ýaqyt óte kele qyzymdy bosandym. Oǵan áıel páterin tóleı almaı telefonyn satyp jibergen eken. Bosanǵan soń náresteniń járdemaqyǵa jańa telefon men SIM-karta satyp alǵan.

“Sonda Batalov “seniń nómirińdi áreń taptym” dep ózi habarlasty. Bosanǵanymdy aıtyp edim “Almatydamyn, jaqyn arada kelemin, kezdesip, sóıleseıik” dedi. Biraq sodan keıin habarlaspady. Qyzym 5-6 aıǵa tolǵanda oǵan balanyń sýretterin jiberip otyrdym. Artyq eshteńe aıtpadym. Kóredi, biraq jaýap bermeıtin. Sóıtip qyzym balabaqshaǵa baratyn jasqa jetti. Qınalyp ketken soń ózinen kómek suradym. “Qansha kerek?” dep jazyp jiberdi. 100 myń teńge suradym. О́ziniń júrgizýshisin jiberipti. Ol júrgizýshini men tanysam da, ol meni tanymaǵan keıip tanytty. Sóıtip kómek qajet kezde men ol kisiniń WhatsApp nómirine jazatyn boldym. Keıin ol kisiden qyzyma tegin berýin nemese qaıta-qaıta kómek suraı bermeıtindeı jaǵdaı jasap berýin suradym. Osy kezden bastap ol meni balalarymmen qorqyta bastady”, – deıdi.

Eks-sheneýnik tarapynan bolǵan qoqan-loqydan keıin  Qarlyǵash “Aısha bıbi» analar birlestiginiń tóraıymy Jazıra Qamoldanovadan kómek suraǵan. Ol Qarlyǵashty aryz jazýǵa kóndirgen.

“Ishki Ister Departamentine aryz jazdyq. Biraq ol jerdegiler úsh balam men meni mazaq etti. “Jaqyn qarym-qatynasta qalaı boldyńdar?” degen sekildi tym jeke suraqtar qoıdy. Men aıtýdan bas tartyp edim, jibermeı qamaımyz dep qorqytty. Májbúrlegen soń bárin aıtyp berdim. Sol kezde Urymhanov general edi, meni shaqyrdym aryzymdy qaıtaryp alýymdy surady. Esesine Ishki Ister Departamentinen jumys usyndy. Men tájirıbem joq bolǵandyqtan bas tarttym. Bul jaqtaǵy is turalap turǵan soń Astanadaǵylarǵa aryz jazyp, shaǵymdanýǵa májbúr boldym. Aryzym ol jaqqa jetken soń ǵana is qozǵala bastady. Sóıtip ol maǵan shyǵyp úı alyp beremiz, kásibińdi ash dep adamdar jiberdi. Astanada da, Taldyqorǵanda da maǵan kómektesetin eshkim joǵyn túsingen soń aryzymdy qaıtyp aldym. Sóıtip kásip ashyp berdi. Biraq úıdi ózim surap júrip úsh jyldan keıin ǵana aldym”, – deıdi Qarlyǵash.

Bastapqyda kelinshekke qaǵyz jazydyryp alyp, qyzǵa aı saıyn aqsha salyp turamyn dep ýáde bergen. Biraq kerek qaǵazyn alǵan soń ýádesin umytty deıdi kelinshek.

“Qyzdyń kıimine dep 100 myń suraımyn. Biraq ony bir aptadan soń, 75-85 myń teńge qylyp beredi. Sóıtip qyzyma ákesiniń tegin berip, alıment alý úshin ony sotqa berdim. Sot 4-5 ret aryzymdy qaıtaryp tastady. Advokat jaldadym. Aqyry sot aryzymdy qabyldady. Onyń qyzymnyń ákesi ekenin dáleldeý úshin 1,5 jyl ýaqyt ketti. Sýdıa qysym kórsetti. Iývenaldy sottan jeńip shyqtym. Batalovty DNK tapsyrýǵa shaqyrdy, biraq kelmedi”, – deıdi áıel.

Bul kezde eks-sheneýnik zeınette edi. Qarlyǵash kámelet jasqa tolmaǵan qyzyna 42 500 teńge alıment alyp otyrǵan. Qarlyǵash Batalovtyń zeınetaqydan bólek tabysy baryna senimdi. Sol sebepti ol alımenttiń ádil taǵaıyndalýyn talap etedi.

Qarlyǵashtyń aıtýynsha, qyzy ákesine telefon arqyly habarlama jazǵan. Qyzdyń sýretin kórgen soń eks-sheneýnik nómirdi buǵattap tastaǵan.

“Talǵardaǵy úıine de bardyq. Sol kezde qyzym qatty jylady. “Mama, men ákemniń osyndaı úıde turatynyn bilmedim. Qandaı kúshti úı, qalaıynshy” dedi qyzym. Syrtta turǵanda qaqpadan qaıta-qaıta syǵalap, kanıkýl kezinde osy jaqqa jiberýin surady. Birde kúzettegilerden bireýi shyǵyp úıde jumysshylardan basqa eshkim joǵyn aıtty. Sol adamǵa meniń sózderimdi tikeleı ózine jetkizýimdi suradym. Meni “aqshaǵa toımaıdy” dep aıtatyn kórinedi. Biraq ol kisi maǵan aı saıyn mıllıondap aqsha bergen emes. Qaıtyp bara jatyp qyzym “ákemdi kórmeımin be, teledıdardan ǵana kórdim ǵoı” dep jylady. Ákesiniń sýreti qyzymnyń bólmesinde tur. “Ákeme uqsaımyn” dep ózi de aıtady. Ákesin qyzyma jamandaǵan emespin. Qyzym ákesin kórgisi keledi”, – deıdi Qarlyǵash.