43 گرادۋس ىستىق: ماۋسىم ايىندا اۋا رايى قانداي بولادى

«قازگيدرومەت» رمك سينوپتيكتەرى جازدىڭ ءبىرىنشى ايىنا ارنالعان اۋا رايىنىڭ كونسۋلتاتيۆتىك بولجامىن جاريالادى.

سينوپتيكتەردىڭ بولجامى بويىنشا, بيىلعى ماۋسىم ايىندا اۋا رايى قۇبىلمالى بولادى, تەمپەراتۋرا كۇرت وزگەرەدى.

اتموسفەرالىق اينالىمنىڭ جازعى ەرەكشەلىكتەرى سالقىن جانە ىستىق كەزەڭدەردىڭ اۋىسۋىمەن, جاڭبىرمەن جانە جەكەلەگەن كۇندەرى نايزاعاي ويناۋ, بۇرشاق ءتۇسۋ, قاتتى جەل تۇرۋ سىندى قۇبىلمالى اۋا رايىمەن سيپاتتالادى. كەيبىر كۇندەرى شاڭدى داۋىل بولادى.

ماۋسىمنىڭ ءبىرىنشى ونكۇندىگىندە تەمپەراتۋرانىڭ جوعارى بولۋىنا قاراماستان قازاقستاننىڭ بارلىق وڭىرىندە ءجيى ءارى قىسقا مەرزىمدە نايزاعاي ويناپ, جاڭبىر جاۋادى دەپ بولجانادى. تەك كەيبىر كۇندەرى تروپيكالىق اۋا ماسسالارىن سالقىن اتلانتيكالىق اۋا الماستىرىپ, تەمپەراتۋرا تومەندەيدى. مىسالى, ءبىرىنشى ونكۇندىكتە رەسپۋبليكامىزدىڭ باتىسىندا اۋا تەمپەراتۋراسى تۇندە +17+22°س-دەن +7 + 12°س-گە دەيىن, كۇندىز +27+32°س-دەن +20+25 گرادۋسقا دەيىن تومەندەيدى.

اتىراۋ جانە ماڭعىستاۋ, اقتوبە جانە قوستاناي وبلىستارىندا جانە ۇلىتاۋ وبلىسىندا تۇندە سىناپ باعانى +18+28°س-دەن +12+23°س-گە دەيىن, كۇندىز +30+38°س-دەن +20+30°س-گە دەيىن تۇسەدى, بىراق ونكۇندىكتىڭ سوڭىندا كۇندىز تەمپەراتۋرانىڭ +25°س-دەن +32°س-گە دەيىن كوتەرىلەدى.

سولتۇستىك جانە ورتالىق ايماقتاردىڭ تۇرعىندارى ءۇشىن اپتاپ ىستىقتىڭ تومەندەۋى جاز ايىنىڭ ءبىرىنشى ونكۇندىگىنىڭ ورتاسىندا بولادى. تەمپەراتۋرا تۇندە +10+15°س ارالىعىندا بولادى, قيىر سولتۇستىكتە +7°س-دەن +15+20°س-عا دەيىن, كۇندىز +25+30°س-دەن +18+25°س-عا دەيىن وزگەرەدى.

رەسپۋبليكامىزدىڭ شىعىسىندا العاشقى ونكۇندىكتىڭ باسىم بولىگىندە تەمپەراتۋرالىق فون تۇندە +10+15°س ارالىعىن قامتىپ, وڭتۇستىكتە +20°س-عا دەيىن تومەندەيدى, كۇندىز +22+30°س بولادى. وڭتۇستىكتە, كەرىسىنشە كۇن ىسيدى: +35°س دەيىن, ءبىرىنشى ونكۇندىكتىڭ سوڭىندا, ماۋسىمنىڭ ەكىنشى ونكۇندىگىنىڭ باسىندا بۇل وڭىردە كۇن سالقىن بولادى.

بىراق وڭتۇستىكتە جانە جامبىل وبلىسىندا, ءتىپتى تۇنگى ۋاقىتتا دا ىستىق كەزەڭ بولادى, سىناپ باعانى كورسەتكىشتەرى +20+28°س, كۇندىز +35+43°س دەيىن جەتەدى. الايدا ءبىرىنشى ونكۇندىكتىڭ سوڭىنا قاراي اۋا تەمپەراتۋراسى ازداپ تومەندەيدى: كۇندىز +28+33°س دەيىن.

الماتى وبلىسىندا جانە جەتىسۋ وبلىسىندا اۋا تەمپەراتۋراسى تۇندە +10+15°س-دەن +15+20°س-گە دەيىن, كۇندىز +20+25°س-دەن +30+35°س-گە دەيىن, تاۋلى اۋدانداردا تۇندە +2+7°س-دەن +7 + 12°س-گە دەيىن, كۇندىز +10+15°س-دەن +20+25°س-گە دەيىن بىرتىندەپ جوعارىلايدى. ونكۇندىكتىڭ ەكىنشى جارتىسىندا كۇندىز كۇن ىسيدى دەپ بولجانادى: +25+30°س دەيىن.

ماۋسىمنىڭ ەكىنشى جانە ءۇشىنشى ونكۇندىگىندە ەلىمىزدىڭ باتىسىندا, وڭتۇستىگىندە, وڭتۇستىك-شىعىسىندا ەڭ ىستىق كۇندەر تۋىندايدى: +33+40°س-گە دەيىن. وڭتۇستىك-باتىستا, وڭتۇستىكتە +43°س-گە دەيىن كۇن ىسىپ, توتەنشە ءورت قاۋپى ارتادى, ال كۇن سالقىن كۇندەرى سىناپ باعانى +22+27°س-گە دەيىن تومەندەيدى.

ەلىمىزدىڭ سولتۇستىك جارتىسىندا, ءوڭىردىڭ ورتالىعى مەن شىعىسىندا اۋا تەمپەراتۋراسى تۇندە +15+23°س-دەن +2+10°س-گە دەيىن, كۇندىز +25+38°س-دەن +15+27°س-گە دەيىن اۋىتقيدى دەپ بولجانادى.