46 kenshiniń ólimi: Kostenko shahtasyndaǵy apatqa qatysty sot úkimi shyqty

Foto: Google Maps/Aleksandr Hannanov

Qaraǵandyda 46 kenshiniń ólimine ákelgen Kostenko shahtasyndaǵy apatqa qatysty is boıynsha sot úkimi shyqty, dep jazdy qandastar.kz

Bul týraly Stan.kz aqparat agenttigi habarlaıdy.

Aıyptalýshylar qatarynda shahta basshylary men ınjenerlik-tehnıkalyq qyzmetkerlerdi qosa alǵanda, on adam bar. Toǵyz aıyptalýshy qamaýda otyrsa, bireýi – elden ketpeý týraly qolhatpen bosatylǵan.

Kúdiktilerge qylmystyq kodekstiń “eki jáne odan da kóp adamnyń ólimine ákep soqqan taý-ken jumystaryn júrgizý kezinde qaýipsizdik erejelerin buzý” baby boıynsha aıyp taǵylǵan.

Sot aıyptalýshylardy kináli dep tanyp, kelesi jazalardy taǵaıyndady:

— Shahta dırektory Sergeı Mýstıvko – 8 jylǵa bas bostandyǵynan aıyrý;

— Shahta dırektorynyń óndiris jónindegi orynbasary Vadım Erıomın – 7 jylǵa bas bostandyǵynan aıyrý;

— Bas ınjener Nıkolaı Groznov – 7 jylǵa bas bostandyǵynan aıyrý;

— №6 ýchaske bastyǵy Vıktor Koptenkov – 7 jylǵa bas bostandyǵynan aıyrý;

— Tehnıkalyq qyzmettiń qazý jónindegi bas ınjeneriniń orynbasary Vladımır Gonnochenko – 6 jyl 6 aıǵa bas bostandyǵynan aıyrý;

— Eńbek qaýipsizdigi jónindegi bas ınjenerdiń orynbasary Dmıtrıı Fedorenko – 6 jylǵa bas bostandyǵynan aıyrý;

— Bas mehanık Dmıtrıı Koar – 6 jylǵa bas bostandyǵynan aıyrý;

— Ýchaske bastyǵynyń shań-jarylysqa qarsy qorǵaý jónindegi kómekshisi Vıtalıı Pestrıak – 6 jylǵa bas bostandyǵynan aıyrý;

— Konveıerlik kólik ýchaskesiniń bastyǵy Tólegen Ǵabdýshev – 5 jylǵa bas bostandyǵynan aıyrý;

— Jeldetý jáne eńbek qaýipsizdigi ýchaskesiniń bastyǵy Vladımır Shıshkanov – 5 jylǵa bas bostandyǵynan aıyrý.

Sot proesi Qaraǵandydaǵy tergeý ızolıatorynyń sport zalynda ótti. Is boıynsha 74 adam jábirlenýshi bolyp tanylǵan.

Sot barysynda prokýrorlar aıyptalýshylarǵa 46 kenshiniń ólimine jáne 20-dan astam adamnyń múgedek bolýyna ákep soqqan taý-ken jumystaryn júrgizý kezinde qaýipsizdik erejelerin buzǵany úshin eń joǵarǵy jaza merzimin taǵaıyndaýdy suraǵan edi.

Eske salsaq, 2023 jyldyń 28 qazanynda QaraǵandydaǵyKostenko shahtasynda jarylys bolyp, 46 kenshi qaza tapqanedi. Apatty teksergen úkimettik komıssııa jarylystyń konveıerlerdiń birindegi úıkelis áserinen paıda bolǵan mehanıkalyq ushqynnan bolǵanyn anyqtap, 100 paıyz jumys berýshiniń kinásidep tapty.