5 mıllıon teńge: Tárbıeshi Almatydaǵy bóbekter úıiniń qomaqty qarjyǵa bala asyraýǵa beretinin aıtty

Foto: vıdeodan skrın

Bóbekteri úıiniń tárbıeshisi oıda-joqta mekemeniń aqsha úshin balaǵa qorǵanshylyq beretinin bilgen. Mekeme basshysy qyzmetkeriniń bul sózin joqqa shyǵardy. Bul týraly qandastar.kz  KTK arnasyna silteme jasap habarlaıdy.

Bóbekter úıinde 27 jyl qyzmet etip kelgen Gúlmıra túsiniksiz jaǵdaıdyń kýási bolǵan. Aıtýynsha, mekemege qymbat kólik mingen kásipkerler ózin “demeýshimin” dep tanystyryp, jıi keledi. Sóıtip olar qyzmetkerlerin ilestirip, balalardy oıyn-saýyq ortalyqtaryna ózimen alyp ketedi. Keıinirek kásipkerler Mýslıma esimdi eki jastaǵy qyz týraly surastyra bastaǵan.

“Belgisiz adamdar ózin “demeýshimin” dep tanystyryp, balalardy alyp ketýidiń jolyn izdeıdi. Olar Mýslıma esimdi balany unatyp, tipti alyp ketetinderin aıtty. Alǵash kelgende kámpıt taratty. Sosyn taǵy kelip, balany alyp shyǵýymyzdy suraıdy. Zań boıynsha bógde adamdardyń balamen sóılesýine ruqsat joq. Olar maǵan qyzdyń qujattaryn rásimdeýge kómektesetin tanystary baryn aıtty. Sóıtip olar qyzǵa apta saıyn kelip turatyn boldy. Birde olar portaldan tabylyp, qyzǵa qorǵanshy bolýǵa ruqsat aldy. Dál Mýslımanyń týǵan kúninde qyzdy oıyn-saýyq ortalyǵyna alyp ketti”, – deıdi tárbıeshi.

Gúlmıranyń aıtýynsha, mekemede 4 jasqa deıingi balalar tárbıelenedi. Alaıda kóbine bala asyrap alǵysy keletin adamdar jańa týǵan náresteni alýǵa áýes. Osyǵan baılanysty, áıel mekeme qomaqty qarjyǵa qorǵanshylyq rásimdeıdi degen boljamǵa keldi. Tárbıeshi osydan bes aı buryn ata-ana týǵanyna 7 kún bolǵan balany asyrap alǵanyn aıtady. Náresteni perzenthanadan ákele salyp, qujatyn rásimdeýge alyp ketti. Gúlmıra jańa týǵan balany qalaıshy tez asyrap alýǵa bolady dep tańǵalǵanda álgi áıel “5 mıllıon teńge berseń kómektesemin” degen eken.

Bul týraly mekeme basshylyǵyna aıtqanda bastyq oǵan ashýlanyp, qatań sógis jarııalaǵan. Mekeme dırektorynyń aıtýynsha, tárbıeshi buǵan deıin Mýslıma esimdi qyzdy ózi asyrap alǵysy kelgen. Alaıda oǵan qorǵanshylyqqa ruqsat berilmedi. Sol sebepti áıel osylaısha kek almaq bolǵan deıdi.

Mekeme ókilderi demeýshilerdiń kelgenin joqqa shyǵarmaıdy. Olar balalardyń janyna tárbıeshilerdi ilestirip oıyn-saýyq ortalyǵyna apardy. Dırektordyń aıtýynsha, mundaı serýender balanyń qoǵamǵa úırenisip, sińisýi úshin qajet. Alaıda ol balalardyń kásipkerlerge aqsha úshin berilgeni týraly aıyptaýlardy joqqa shyǵardy.

“ – Balalardy tanys arqyly asyrap alynǵany týraly aqparatty rastaısyz ba?

– Joq, árıne. Ol qalaı bolmaq? Elektrondy portal bar. Onda asfrap alýǵa bolatyn balalardyń tizimi bar. Onda ana-analar mektebinen ótken adamdar ǵana kire alady.

– Bala asyrap alǵan analardyń biri 5 mıllıon berse esh kedergisiz qorǵanshylyq alýǵa kómektesetinin aıtqan eken. Bul týraly ne aıtasyz?

– Ol túrli nárseni aıtýy múmkin. 5 mıllıon teńgeni kimge berýge bolatynyn dáleldesin. Balany ózdigimen alyp ketýge bolmaıdy”, – deıdi Almaty qalasyndaǵy «Mamandandyrylǵan bóbekter úıi» KMM dırektory Aıdar Mamedov.

Qazir bóbekter úıinde 24 bala tárbıelenip jatyr. Jańa týylǵan náresteler perzenthanadan birden bóbekter úıine keledi. Sóıtip 4 jasyna deıin sonda bolyp, keıin balalar úıine jiberiledi.

Bilim bóliminiń málimetinshe, qazir bala asyrap alý ońaı emes. О́tinish berýshiler qamqorshylyq organdaryna júginedi, onda mamandar olardyń qarjylyq jáne turmystyq jaǵdaıyn zertteıdi. Sonymen qatar úmitkerler patronattyq ata-analar mektebinde oqýdan ótýi kerek. Sondan keıin ǵana bala asyrap alýǵa múmkindik alady.

“Olar balalarmen tanysý úshin kezekke turady. Eger ata-ana balaǵa unasa, balany tańdap, keıinnen qorǵanshylyq organdaryna nemese balanyń ornalasqan jerindegi sotqa balany asyrap alý týraly ótinish beredi”, – deıdi Almaty qalasy Medeý aýdandyq bilim bóliminiń bas mamany Arman Jedelov.

Gúlmıra mekemege qatysty polıııaǵa aryz túsirgen. Qazir polıııa tekserý jumystaryn júgizip jatyr.

“Qylmystyq quqyq buzýshylyq belgileri anyqtalǵan jaǵdaıda sharalar qabyldanyp, bul derek sotqa deıingi tergep-tekserýdiń biryńǵaı tizilimine engiziledi. Qazirgi ýaqytta atalǵan derekke qatysty tekserý jumystary júrgizilýde. Dálelder rastalǵan jaǵdaıda zańǵa sáıkes sharalar qoldanylady”, – dedi Almaty qalalyq polıııa departamentiniń resmı ókili Saltanat Ázirbek.