«5 ملرد تەڭگە بولگەنشە, «قايسار» چەمپيون بولماي-اق قويسىن»: قىزىلوردا وبلىسىنىڭ اكىمى فۋتبول كلۋبىنا نەگە اقشا بەرگىسى كەلمەيدى?

فوتو: kzvesti.kz

قىزىلوردانىڭ «قايسار» فۋتبول كلۋبى ويىنشىلارىنىڭ جالاقىسىن جارىتىپ تولەي الماي كەلەدى. باق وكىلدەرىنىڭ حابارلاۋىنشا, ۇجىمدا سوڭعى ءۇش ايدان بەرى ايلىق الماعان فۋتبولشىلار كوپ. ونىڭ ۇستىنە, كلۋب بۇرىننان قالىپ كەتكەن 400 ملن تەڭگە قارىزىن جىل سايىن ءبولىپ تولەپ كەلەدى, دەپ جازادى qandastar.kz سايتى 1bol.kz سايتىنا سىلتەپ.

وسى ورايدا ءبىز قىزىلوردا وبلىسىنىڭ اكىمى نۇرلىبەك نالىباەۆتان قارجى ماسەلەسىنىڭ قاشان شەشىلەتىنىن سۇرادىق. ونىڭ سوزىنەن ۇققانىمىز, «قايساردىڭ» اكىمدىكتەن الاتىن بيۋدجەتى جاقىن ۋاقىتتا وسپەيدى.

«سىرتتان كەلگەن ويىنشىلارعا بوسقا اقشا تولەگەننەن گورى تۇرعىندار پايدالى ماڭىزدى جوبالاردى قولعا العانىمىز ءجون. ماعان دا كلۋبتىڭ باسشىسى كەلىپ, «قاراجاتتى كوبەيتسەك, بۇدان دا جاقسى ناتيجە كورسەتەمىز, ءبىرىنشى ورىن الامىز» دەيدى. بيۋدجەتتەن 5 ملرد تەڭگە ءبولىپ, ءبىرىنشى بولماي-اق قويدىق دەدىم. «قايسار» – بيۋدجەتتەن ەڭ از قاراجات قاراستىرىلعان كوماندا, مەن ونى مويىندايمىن. بيۋدجەت جاعىنان ەڭ تومەنگى ورىنداردا تۇرعانىمىز انىق. بىراق سول اقشانى اۋىلداردا سپورتتى دامىتۋعا بولگەنىمىز دۇرىس. 80 سپورت الاڭى سالىندى. ستاديون سالىنىپ جاتىر. سپورت كەشەندەرى سالىنىپ جاتىر. ءبىزدىڭ ماقسات – قالاعا كورىك بەرەتىن عيماراتتار ەمەس, قاراكوزدەرىمىزدى تاربيەلەيتىن, پايداسى تيەتىن نىساندار سالۋ», – دەدى اكىم.

نۇرلىبەك نالىباەۆ كلۋبتىڭ ويىنشىلار الدىنداعى قارىزىنا قاتىستى ساۋالعا دا جاۋاپ بەردى.

«قارىز بىزگە دەيىن بولعان. كلۋب باسشىلىعىنا تاپسىرما بەردىم. ەگەر شىن مانىندە ءبىزدىڭ قارىز ەكەنىمىز دالەلدەنسە, وندا ءبارىن وتەپ بەرەمىز. بۇل ماسەلەنى كوتەرىپ جۇرگەن – سىرتتان كەلگەن ويىنشىلار, الايدا ولارعا ءتيىمسىز قاراجاتتى جۇمساي بەرۋگە قارسىمىن. كەزىندە «اقتوبە» دە قارجىلىق قيىندىقتارعا تاپ بولىپ, لەگيونەرلەرىنە اقشا تولەي الماي جاتقاندا, 17 جاستاعى فۋتبولشىلاردان تۇراتىن ەكىنشى قۇرامى كەلىپ «قايساردى» ۇتىپ كەتكەن. كادىمگى اۋىلدىڭ جاپ-جاس بالالارى, سول نامىستىڭ ارقاسى ەدى. كەيىن «قايسار» «اقتوبەنىڭ» نەگىزگى قۇرامىن قوناقتا ۇتىپ كەتتى. سوندىقتان ەلىنە, اۋىلىنا جانى اشيتىن ادامداردى تاربيەلەۋ كەرەك», – دەدى.

بىراق جاستاردىڭ دامۋىنا جول اشقىسى كەلەتىن وبلىس نەلىكتەن ءبىرىنشى ليگادا وينايتىن «قايسار شيەلى» كومانداسىن تاراتىپ جىبەردى? اكىمنەن وسى جايت تۋرالى دا سۇرادىق.

«شيەلىدەگى كوماندانى جاۋىپ تاستاۋ دەگەن بولعان جوق. قايتا جاقسى ستاديون سالىپ بەردىك, سوندا دايىندالىپ ءجۇر. ءبىز كەلگەندە «قايسار» ءبىرىنشى ليگادا جۇرگەن, ءبىز سول قاراجاتپەن-اق كلۋبتى پرەمەر-ليگاعا شىعاردىق. تۋرنيرلىك كەستەدە 6-شى, ءارى كەتسە 7-ورىندا كەلە جاتىر. قولداۋ بولماسا, جوعارى ليگاعا قالاي شىعاتىن ەدى? قولداۋ بار, ستاديوننىڭ سالىنۋى وسى سوزىمىزگە دالەل. بىراق كلۋبتىڭ قۇرامىن قارايمىز. ءوز ويىنشىلارىمىزدى, جاستارىمىزدى كوپتەپ تارتاتىن بولامىز», – دەپ جاۋاپ بەردى ول.

دەگەنمەن ۋەفا, فيفا سەكىلدى ۇيىمدار كلۋبتاردىڭ ويىنشىلار الدىنداعى قارىزدارىنا مۇندايعا قاتتى قارايدى. اكىمنەن: «ەگەر قاتەلىك كەتكەنى راستالسا, لەگيونەرلەرمەن كەلىسىمشارتقا وتىرعان 2019-2020 جىلدارداعى باسشىلىق جازالانا ما?» دەپ سۇرادىق.

«فۋتبولدىڭ اينالاسىندا شۋ كوپ. قازىر انتيكور ءبارىن ءجىتى تەكسەرىپ جاتىر. تەكسەرىس اياقتالمايىنشا اشىپ ايتقان دۇرىس ەمەس شىعار. ءبارى ناقتىلانعان سوڭ, ءمان-جاي انىقتالادى», – دەپ قورىتىندىلادى اكىم.