5 páter, 4 kólik, birneshe valıýtalar men buıymdar: Perızat Qaırat pen onyń anasynan ne tárkilenbek

Foto: Qarjy monıtorıngi agenttigi

Perızat Qaırat pen onyń anasynyń isi boıynsha sotta prokýror jábirlenýshilerge keltirilgen shyǵyndy óteý úshin sottalýshylardan neni tárkileý keregin tizip berdi, dep jazdy qandastar.kz

 Bul týraly Stan.kz aqparat agenttigi habarlaıdy.

Memlekettik aıyptaýshynyń sózinshe, qylmystyq jolmen tabylǵan qarajatqa alynǵan múlikti tárkilep, jábirlenýshilerge berý kerek.

Ol Perızat Qaırat pen onyń anasyna tıesili múliktiń tizimin jarııalady:

• Mercedes Benz S450;
• Lexus LX 600;
• Haval H6 GT;
• Mercedes Benz Iq 500;
• Astana qalasy E-899 kóshesi, «Vela Village» saıajaı qalashyǵyndaǵy 18 úı mekenjaıyndaǵy jeke turǵyn úı, sondaı-aq jer ýchaskesi;
• Astana qalasy Amman kóshesi, 21, 54 páter (Akbulak Riviera turǵyn úı kesheni);
• Astana q., Táýelsizdik kóshesi, 56/2 úı, 105 páter. (Sensata Group turǵyn úı kesheni);
• Astana q, Qazybek bı kóshesi, 7a korpýsy, 59 páter. («Kók Jaılaı» turǵyn úı kesheni);
• Astana q., Nájimedenov kóshesi, 2-ǵımarat, 1805 páter. (Highvill Gold Ishim turǵyn úı kesheni);
• Highvill Gold Ishim turǵyn úı keshenindegi avtoturaq;
• Akbulak Riviera turǵyn úı kesheninde avtoturaq;
• 21 mln teńge (Perızat Qaırattyń debıtorlyq bereshegi);
• 20,7 mln.teńge (Perızat Qaırattyń debıtorlyq bereshegi);
• 5 mln teńge (Perızat Qaırattyń debıtorlyq bereshegi);
• 8 mln.teńge (Mańǵystaý oblysyndaǵy saqtaý orny);
• 3,5 mln.teńge (Aqtóbe oblysyndaǵy saqtaý orny);
• 10 mln teńge (ústel tennısi federaııasynyń shotynda);
• BIZ BIRGEMIZ qoǵamdyq birlestiginiń shotyndaǵy 20 mln;
• BIZ BIRGEMIZ shotyndaǵy 20 myń dollar;
• BIZ BIRGEMIZ shotynda 24 myń teńge;
• BIZ BIRGEMIZ shotyndaǵy 1,7 mln.teńge;
• Rebel flowers gúl dúkeniniń shotynda 3 mln teńge;
• Rebel flowers dúkeniniń shotynda 2,3 mln.

Rebel flowers jarǵylyq kapıtalyndaǵy 100% úlesi men qylmystyq jolmen alynǵan qarajatqa satyp alynǵan sándi zattar, ıaǵnı sómkeler, zergerlik buıymdar, aıaq kıim jáne aksessýarlardy tárkileý usynyldy.

Perızat Qaırat pen onyń anasy Ǵaını Alashbaevanyń esepshottarynan tabylǵan qarajatty da tárkileý usynylyp otyr:

• Perızat Qaırattyń shotyndaǵy 45 myń teńge;
• Perızat Qaırattyń shotyndaǵy 116 myń teńge;
• Perızat Qaırattyń esepshotynda 49 myń;
• Ǵaını Alashbaevanyń esepshotynda 200 myń teńge;
• Ǵaını Alashpaevanyń shotyndaǵy 150 myń teńge;
• 31 myń teńge Ǵaını Alashbaevanyń esepshoty.

Sondaı-aq Akbulak Riviera turǵyn úı keshenindegi páterdi tintý kezinde 1,6 mln teńge, 6 myń ıýan, 200 dollar, 195 dırham jáne 20 katar realy tabylǵan. Prokýror osy aqshany da tárkileýdi surady.

Eske salsaq, Astanada qaıyrymdylyqqa jınalǵan aqshany jymqyrǵan dep aıyptalǵan Perızat Qaırat isi boıynsha basty sot otyrysy ótip jatyr. 22 shildede sot jaryssózi bastaldy. Prokýror Madına Orazalına qaıyrymdylyq atyn jamylyp paıda kórgisi keletinderge úndeý joldady.

Prokýror Perızat Qaıratty 10 jylǵa, Ǵaını Alashbaevany 8 jylǵa sottaýdy suraǵan edi.