«5 جاسىمدا بىرنەشە ەركەك ءبىر جىل بويى زورلادى»: اتىراۋلىق جىگىت ادامشوشىرلىق وقيعاسىن ايتتى

فوتو: سكرين

اتىراۋلىق باۋىرجان ەسىمدى ازامات 5 جاسىندا سەكسۋالدىق زورلىق-زومبىلىق كورگەنىن ايتتى. وقيعانىڭ ءمان-جايىن ول گۇلميرا ابىقايعا بەرگەن سۇحباتىندا ايتىپ بەردى, دەپ حابارلايدى qandastar.kz Caravan.kz-كە سىلتەمە جاساپ.

باۋىرجان كوبەەۆ ەسىمدى ازاماتتىڭ سوزىنە سەنسەك, ونى بالا كۇنىندە ءتورت ەرەسەك جىگىت زورلاعان.

«بۇل وقيعا بىرنەشە جىل بۇرىن بولسا دا, مەن ونى ءبىر ساتكە بولسىن ەستەن شىعارعان ەمەسپىن. شامامەن 5 جاسىمدا اۋلاداعى ەرەسەك جىگىتتەر بىرنەشە رەت سەكسۋالدى زورلىق-زومبىلىق كورسەتتى. مەن بۇل وقيعانى بىرەۋگە ايتۋعا قورىقتىم. قازىردىڭ وزىندە سول جاعداي تۋرالى ايتۋ وتە قيىن. دەگەنمەن, بارلىعى قالاي بولعانىن بۇكپەسىز ايتۋعا تىرىسامىن. بالا كەزىمدە اتا-انام ۇنەمى جۇمىستا بولدى, مەن بالاباقشادان تىس ۋاقىتتا جانە دەمالىس كۇندەرى جالعىز قالاتىنمىن. سول ۋاقىتتارى ءتورت ەرەسەك جىگىت مەنى بىرنەشە رەت زورلادى. بىرەۋىنىڭ ەسىمىن اتاي المايمىن. قالعان ۇشەۋى اسلان, باۋىرجان, راسۋل ەسىمدى جىگىتتەر. اۋلامىزدا بالالار جينالاتىن جابىق جەر بولدى. مەنى سول جەرگە شاقىرىپ, ارام پيعىلدارىن جۇزەگە اسىردى. 5 جاسىمدا نە بولىپ جاتقانىن دۇرىس تۇسىنبەيتىنمىن دە. شامامەن بۇل نارسە ءبىر جىلعا سوزىلدى. سەبەبى, ءبىر جىلدان كەيىن اتا-انام مەنى دەمالىس كۇندەرى كورشى اجەگە تاستاپ كەتەتىن بولدى. وعان دەيىن سەنبى جانە جەكسەنبى كۇندەرى قاراۋسىز جۇرەتىن ەدىم. ۋاقىت وتە بولعان نارسەنى ەسىڭە تۇسىرگەندە سول جامان ارەكەت ساعان جاسالعانىن تۇسىنەسىڭ, تۇيىقتالا باستايسىڭ. ءتىپتى, ءوزىڭدى قالاي ۇستاپ, كىمگە ايتارىڭدى دا بىلمەيسىڭ», — دەيدى ول.

5 جاسىندا زورلانعان باۋىرجان 13 جاسىندا ومىرىندەگى ەكىنشى اۋىر كەزەڭ باستالعانىن ايتتى.

«مەنى زورلاعان ءتورت جىگىتتىڭ بىرەۋى ايتىپ قويسا كەرەك, سولارمەن جاستى ءبىر جىگىت مەنى بوپسالاي باستادى. اقشا بەر, ايتپەسە بولعان وقيعانى ايتىپ بەرەمىن دەگەن سىڭاي تانىتتى. اقشا اپارىپ بەرگەنىمدە, ول ءوزىنىڭ جىنىس مۇشەسىن شىعارىپ, اۋزىڭا سال دەدى. سوندا سەن ماعان قارىز بولمايسىڭ دەدى. مەن اقشانى تاستاپ, قاشىپ كەتتىم. ودان كەيىن ول مەنەن اقشا سۇراۋدى جيىلەتتى. ودان باسقا جىگىتتەر دە سەنىڭ وقيعاڭدى بىلەمىز دەپ اقشا سۇراي باستادى. وتكەن جىلدىڭ قاراشا ايىنا دەيىن مەن سول جىگىتتەرگە اقشا بەرىپ كەلدىم. ايىنا 10 مىڭنان باستاپ 800 مىڭعا دەيىن الىپ ءجۇردى. قارىزعا كىرىپ كەتتىم, كاسىبىم دۇرىس جۇرمەي قالدى. سودان سوڭ سۋيتسيد تۋرالى ويلانا باستادىم. وسى ماسەلەنى ايتىپ جەڭىلدەگىم كەلدى. مۇنداي جاعداي كەز كەلگەن بالانىڭ باسىنان ءوتۋى مۇمكىن», — دەيدى ول