50 مىڭدىق سوتۋار ساتىلىمدا: ەركە ەسماحان جەكە برەندىن دامىتپاق

فوتو: سكرين

ءانشى ەركە ەسماحان جەكە برەند اشەكەيىن ساتىلىمعا شىعارعانىن حابارلادى, دەپ جازدى qandastar.kz

ونەر يەسى الەۋمەتتىك جەلىدە وقىرماندارىنا سوتۋار اشەكەيدى تانىستىردى. ايتۋىنشا, ونىڭ باعاسى – 50 مىڭ تەڭگە.

«بۇگىن كوپتەن بەرى ايتىپ جۇرگەن تۋىندىمدى سىزدەرگە تانىستىرامىن. ول – وسى سۋرەتتە كوزگە وتتاي باسىلىپ تۇرعان اشەكەي. ادەمىلىگىمەن كوزدىڭ جاۋىن الىپ تۇر. سۇلۋلىعىمەن قوسا تەرەڭ مازمۇندى. ءار ايەلدىڭ باقىتىن قۇرايتىن دەنساۋلىق, وتباسى, ءسابي ءسۇيۋ, كارەرا, سۇلۋلىق جانە بايلىق – ءبارى بىرىكتى. ادەمى تۋىندى دۇنيەگە كەلدى. ەركەنىڭ برەندى سىزدەرگە ساتتىلىك الىپ كەلسىن, باعى جۇعىستى بولسىن. شىن جۇرەكتەن تىلەدىم», – دەدى ەركە ەسماحان.