«50 جاسىندا باسقا ايەلمەن كوڭىل قوستى»: بەلگىلى اقىن كۇيەۋىمەن قالاي ايىرىلىسىپ كەتكەنىن ايتتى

بەلگىلى اقىن ءحانبيبى ەسەنقاراەۆا وتباسىلىق ءومىرى جايلى سىر شەرتىپ, كۇيەۋى تۇردىقىلىش ىزتاەۆپەن قانداي جاعدايدا ايىرىلىسىپ كەتكەنىن ايتىپ بەردى. ونەر يەسى جولداسىمەن ۇرىسپاي, وعان ءۇي مەن كولىكتىڭ كىلتىن تابىستاپ كەتكەن,-دەپ حابارلايدى Qandastar.kz

ءحانبيبى ەسەنقاراەۆا جولداسىنىڭ كوڭىلدەسى بار ەكەنىن قالاي بىلگەنىن «مەنىڭ ءومىرىم» باعدارلاماسىندا ايتتى. ول وتاعاسىنىڭ تاڭداۋىنا ەش قارسىلىق بىلدىرمەي, وعان باقىت تىلەگەن.

«50 جاسىندا ءبىر ايەلمەن كوڭىل قوسىپتى. ول كەزدە فيلارمونيانىڭ ديرەكتورىمىن. جولداسىمدى سول جەرگە باس ديريجەر جانە كوركەمدىك جەتەكشى ەتىپ قىزمەتكە العانمىن. ءمينيستردىڭ بۇيرىعىمەن زاڭ جۇزىندە جۇمىسقا الدىم. مەن ءىسساپاردا جۇرگەندە دەنساۋلىعىم سىر بەرىپ, اۋرۋحاناعا جاتىپ قالامىن. ارتىستەردىڭ بارلىعىنا توپىراق شاشقىم كەلمەيدى. بىراق كوبىسى جانى جارامسىز ادامدار عوي. وتىرىستار ۇيىمداستىرادى. سول جەرگە ءبىر ايەل كەلەدى, تانىسادى. سونداي سوزدەر ماعان جەتتى. ءبىر كۇنى شاقىرىپ الىپ, «جەل تۇرماسا  ءشوپتىڭ باسى قيمىلدامايدى, ءجونىڭدى ايت» دەدىم. ول ء«وزى كەلە بەرەدى» دەپ قىسقا قايىردى. ءبىز تەك ەرلى-زايىپتى ەمەس, دوسپىز, تۋىسپىز. ول «مۇندايدى قوي» دەپ ايتادى دەپ ويلادى. مەن «قوي» دەگەنىممەن, ءبىر قۇلاعان كوڭىل قويا ما?! ونىڭ ءبارىن ءبىلىپ تۇرمىن عوي. سوسىن ايتتىم «ەگەر ءبىر-ءبىرىڭدى ۇناتساڭدار, مەن نە دەيىن, باقىتتى بول. ەكەۋمىز دە ونەر ادامدارىمىز, بىرەۋىمىز باقىتتى بولۋىمىز كەرەك قوي. سەن-اق باقىتتى بول» دەدىم. ەشقانداي ۇرىس-كەرىسسىز, ءۇي مەن كولىكتىڭ كىلتىن بەرىپ كەتتىم.  سودان ءۇن-ءتۇنسىز كابينەتتەن شىعىپ جۇرە بەرەدى. كوز جاسىن الاقانىمەن سۇرتكەنىن كوردىم. شىعارماشىلىقتىڭ ادامى عوي, جۇرەگى جۇمساق. شالىس قادامى ءۇشىن ءوزىن كەشىرمەي ءوتتى», – دەدى ەسەنقاراەۆا.