«50 jasynda basqa áıelmen kóńil qosty»: belgili aqyn kúıeýimen qalaı aıyrylysyp ketkenin aıtty

Belgili aqyn Hanbıbi Esenqaraeva otbasylyq ómiri jaıly syr shertip, kúıeýi Turdyqylysh Iztaevpen qandaı jaǵdaıda aıyrylysyp ketkenin aıtyp berdi. О́ner ıesi joldasymen uryspaı, oǵan úı men kóliktiń kiltin tabystap ketken,-dep habarlaıdy Qandastar.kz

Hanbıbi Esenqaraeva joldasynyń kóńildesi bar ekenin qalaı bilgenin «Meniń ómirim» baǵdarlamasynda aıtty. Ol otaǵasynyń tańdaýyna esh qarsylyq bildirmeı, oǵan baqyt tilegen.

«50 jasynda bir áıelmen kóńil qosypty. Ol kezde fılarmonııanyń dırektorymyn. Joldasymdy sol jerge bas dırıjer jáne kórkemdik jetekshi etip qyzmetke alǵanmyn. Mınıstrdiń buıryǵymen zań júzinde jumysqa aldym. Men issaparda júrgende densaýlyǵym syr berip, aýrýhanaǵa jatyp qalamyn. Ártisterdiń barlyǵyna topyraq shashqym kelmeıdi. Biraq kóbisi jany jaramsyz adamdar ǵoı. Otyrystar uıymdastyrady. Sol jerge bir áıel keledi, tanysady. Sondaı sózder maǵan jetti. Bir kúni shaqyryp alyp, «jel turmasa  shóptiń basy qımyldamaıdy, jónińdi aıt» dedim. Ol «ózi kele beredi» dep qysqa qaıyrdy. Biz tek erli-zaıypty emes, dospyz, týyspyz. Ol «mundaıdy qoı» dep aıtady dep oılady. Men «qoı» degenimmen, bir qulaǵan kóńil qoıa ma?! Onyń bárin bilip turmyn ǵoı. Sosyn aıttym «eger bir-birińdi unatsańdar, men ne deıin, baqytty bol. Ekeýmiz de óner adamdarymyz, bireýimiz baqytty bolýymyz kerek qoı. Sen-aq baqytty bol» dedim. Eshqandaı urys-kerissiz, úı men kóliktiń kiltin berip kettim.  Sodan ún-túnsiz kabınetten shyǵyp júre beredi. Kóz jasyn alaqanymen súrtkenin kórdim. Shyǵarmashylyqtyń adamy ǵoı, júregi jumsaq. Shalys qadamy úshin ózin keshirmeı ótti», – dedi Esenqaraeva.