جاڭالىقتار
500 شەتەلدىك جۇمىسشى قاجەت – كولىك ءمينيسترى پرەمەر-مينيستردەن كومەك سۇرادى
فوتو: primeminister.kz
KAZINFORM –ۇكىمەت وتىرىسىندا كولىك ءمينيسترى مارات قاراباەۆ پرەمەر-مينيستر ولجاس بەكتەنوۆتەن كومەك سۇرادى.
اڭگىمە جول قۇرىلىس جوبالارىنا شەتەلدىك جۇمىسشىلار تارتۋ جانە قاجەتتى جەر تەلىمدەرىن راسىمدەۋ تۋرالى بولىپ وتىر.
«قۇرمەتتى ولجاس اباي ۇلى, وسى جوبالاردى ىسكە اسىرۋ بارىسىندا 2 ماسەلە تۋىنداۋدا. ولاردىڭ ءبىرى, قاراعاندى, اباي, جامبىل, اقتوبە جانە اتىراۋ وبلىستارىندا ورنالاسقان جوبالارعا شەتەلدىك جۇمىس كۇشىن تارتۋعا 500 كۆوتا مولشەرىندە جەتىسپەۋشىلىك بايقالادى», – دەدى مينيستر.
سونداي-اق, ۇكىمەت باسشىسىنان جول جوبالارىنا قاجەتتى جەر تەلىمدەرىن راسىمدەۋگە دە پرەمەر-ءمينيستردىڭ كومەگى كەرەك ەكەنىن ايتتى.
«قاراعاندى, اباي, شىعىس قازاقستان جانە الماتى وبلىستارىنىڭ اكىمدىكتەرىندە كەيبىر جەر ۋچاسكەلەرىن ساتىپ الۋ ءراسىمى ۇزاققا سوزىلىپ كەتتى. اتالعان ماسەلەلەر بويىنشا ءتيىستى اتقارۋشى ورگاندارعا تاپسىرما بەرۋىڭىزدى سۇرايمىن», – دەدى مارات قاراباەۆ.
