500 sheteldik jumysshy qajet – Kólik mınıstri Premer-mınıstrden kómek surady

Áńgime jol qurylys jobalaryna sheteldik jumysshylar tartý jáne qajetti jer telimderin rásimdeý týraly bolyp otyr.

«Qurmetti Oljas Abaıuly, osy jobalardy iske asyrý barysynda 2 másele týyndaýda. Olardyń biri, Qaraǵandy, Abaı, Jambyl, Aqtóbe jáne Atyraý oblystarynda ornalasqan jobalarǵa sheteldik jumys kúshin tartýǵa 500 kvota mólsherinde jetispeýshilik baıqalady», – dedi mınıstr.

Sondaı-aq, Úkimet basshysynan jol jobalaryna qajetti jer telimderin rásimdeýge de Premer-mınıstrdiń kómegi kerek ekenin aıtty.

«Qaraǵandy, Abaı, Shyǵys Qazaqstan jáne Almaty oblystarynyń ákimdikterinde keıbir jer ýchaskelerin satyp alý rásimi uzaqqa sozylyp ketti. Atalǵan máseleler boıynsha tıisti atqarýshy organdarǵa tapsyrma berýińizdi suraımyn», – dedi Marat Qarabaev.