“500 تەڭگە بەرۋدەن باس تارتقان”: سقو-دا ۇلى 62 جاستاعى اناسىن ۇرىپ ءولتىردى

سولتۇستىك قازاقستان وبلىسىندا ۇلى اناسىن 500 تەڭگە بەرۋدەن باس تارتقانى ءۇشىن ءولتىردى, دەپ حابارلايدى qandastar.kz KYN.KZ اقپارات اگەنتتىگىنە سىلتەمە جاساپ.

“ماعجان جۇماباەۆ اۋدانى پولۋدينو اۋىلىندا 62 جاستاعى ايەلدىڭ ءمايىتى 49-داعى اۋىل تۇرعىنىنىڭ ۇيىنەن تابىلدى.

ساراپتاماعا سايكەس, ايەلدىڭ ءولىمى باۋىردىڭ جارىلۋىنان, ىشكە قان كەتۋدەن, كەۋدە جانە ءىش جاراقاتىنان بولعان”, – دەلىنگەن حابارلامادا.

كۋاگەرلەردىڭ سوزىنشە, مارقۇم سول كۇنى زەينەتاقى الىپ, قۇربىلارىنا كەلگەن. كەيىنىرەك ىشىمدىك ىشكەن بالاسى كەلىپ, اناسىنان 500 تەڭگە تالاپ ەتە باستاعان. ايەل اقشا بەرۋدەن باس تارتقان. سول جەردە ەر ادام اناسىن ۇرىپ-سوعىپ, كەتىپ قالعان. العان جاراقاتىنىڭ سالدارىنان ايەل قايتىس بولادى.