“500 teńge berýden bas tartqan”: SQO-da uly 62 jastaǵy anasyn uryp óltirdi

Soltústik Qazaqstan oblysynda uly anasyn 500 teńge berýden bas tartqany úshin óltirdi, dep habarlaıdy qandastar.kz KYN.KZ aqparat agenttigine silteme jasap.

“Maǵjan Jumabaev aýdany Polýdıno aýylynda 62 jastaǵy áıeldiń máıiti 49-daǵy aýyl turǵynynyń úıinen tabyldy.

Saraptamaǵa sáıkes, áıeldiń ólimi baýyrdyń jarylýynan, ishke qan ketýden, keýde jáne ish jaraqatynan bolǵan”, – delingen habarlamada.

Kýágerlerdiń sózinshe, marqum sol kúni zeınetaqy alyp, qurbylaryna kelgen. Keıinirek ishimdik ishken balasy kelip, anasynan 500 teńge talap ete bastaǵan. Áıel aqsha berýden bas tartqan. Sol jerde er adam anasyn uryp-soǵyp, ketip qalǵan. Alǵan jaraqatynyń saldarynan áıel qaıtys bolady.