جاڭالىقتار
«5000 شاقىرىم ءجۇرىپ وتكەن اتا»: اقتاۋدان ۆەلوسيپەدپەن شىعىپ پاريجگە جەتتى
فوتو: اشىق دەرەككوز
قازاقستاندىق ۆەلوسيپەدشى راببىم بوراشەۆ مامىر ايىندا ۆەلوسيپەدپەن اقتاۋدان شىققان بولاتىن. اقىرى قازاقستاندىق ازامات پاريجگە جەتتى. بۇل تۋرالى Aktau.kz حابارلادى.
5000 شاقىرىم ءجۇرىپ, تبيليسي, انكارا, سوفيا, بەلگراد, بۋداپەشت, ۆەنا جانە ميۋنحەن جولدارى ارقىلى ءجۇرىپ ءوتىپ, تريۋمفالدى اركاعا جەتتى. ونى قازاقستاننان كەلگەن تۋريستەر, قازاق دياسپوراسى جانە فرانتسۋز ازاماتتارى قارسى الدى.
پاريجدەگى سالتاناتتى قارسى الۋ راسىمىنە قازاقستاننىڭ فرانتسياداعى ەلشىسى گۇلسارا ارىستانقۇلوۆا مەن تۋريزم جانە سپورت ءمينيسترى ەرمەك مارجىقپاەۆ قاتىستى. بۇل ساپار پاريج وليمپياداسىنىڭ اشىلۋىمەن سايكەس بولىپ وتىر.
ەسكە سالا كەتەيىك, 26 شىلدەدە باستالىپ 11 تامىزعا دەيىن جالعاساتىن وليمپيادا ويىندارىندا قازاقستاننان 80-نەن استام سپورتشى ەل نامىسىن قورعايدى. بۇعان دەيىن قازاقستان قۇراماسى جازعى وليمپيادا ويىندارىنا ەل نامىسىن قورعاۋ ءۇشىن اتتانعانى جايلى جازدىق. Orda.kz ءتىلشىسى پاريجگە سپورتشىلار اتتاناردا ءسات ساپار تىلەپ, شىعارىپ سالعان بولاتىن.
