56 جىلدا ءبىرىنشى رەت وسىلاي كيىندىم: جۇمىسشىنىڭ وزگەرىسى جەلى قولدانۋشىلارىن ەلجىرەتتى

فوتو: ۆيدەودان سكرينشوت

جەلىدە قاراپايىم جۇمىسشىنىڭ 100 مىڭ تەڭگەنىڭ كيىمىن سىيعا الىپ, بالاشا قۋانعان ۆيدەوسى كوپشىلىكتىڭ جۇرەگىن ەلجىرەتتى, دەپ حابارلايدى  qandastar.kz.

TikTok  جەلىسىنىڭ @artemmodelka قولدانۋشىسى  كوشە تازالاۋشى اعاعا جاقىنداپ كەلىپ تاڭداۋ جاساتادى. قولىندا 50 نەمەسە 100 مىڭ تەڭگە سەرتيفيكاتى بار. جۇمىسشى 100 مىڭ تەڭگەنى تاڭدايدى. وسىلايشا جەلى قولدانۋشىسى جۇمىسشىنى دۇكەنگە اپارادى. اۋا رايى سالقىنداپ كەلە جاتقاندىقتان جۇمىسشى جىلى كيىمدەر الۋدى ءجون سانايدى.

جەلى قولدانۋشىلارىنىڭ الدىندا وزگەرىپ كەتكەن جۇمىسشى 56 جىلدان كەيىن وسىلاي كيىنىپ تۇرعانىن ايتىپ, بالاشا قۋانىپ قالدى.

بۇل ۆيدەو TikTok  جەلىسىندە 3,2 ملن قارالىم جيناپ ۇلگەردى. جەلى قولدانۋشىلارىنا ەرەكشە اسەر ەتكەن ۆيدەو روليككە كوپشىلىك ىستىق ىقىلاستارىن جاۋدىرۋدا. «جاقسىلىقتىڭ بار ەكەنىن دالەلدەپ جۇرگەنىڭىزگە راحمەت «, «ادام كوركى-شۇبەرەك دەگەن, اعانى تانىماي قالدىق قوي «, «بالا سياقتى قۋانىپ قالدى » دەپ جازدى جەلى قولدانۋشىلارى.