574 ميلليون تەڭگە شىعىن: قىزىلوردا قالاسىنىڭ تۇرعىنى مۇناي ونىمدەرىن زاڭسىز ساتقان

تەرگەۋ بارىسىندا انىقتالعانداي, جاۋاپكەر سوناۋ 2018 جىلى مۇناي ونىمدەرىن كوتەرمە ساۋدامەن ساتۋمەن اينالىساتىن جاۋاپكەرشىلىگى شەكتەۋلى سەرىكتەستىگىن تىركەگەن.

«ول وسى سەرىكتەستىكتىڭ ديرەكتورى جانە ونىڭ جالعىز قۇرىلتايشىسى بولدى. كاسىپكەر ديزەلدىك وتىندى كوتەرمە ساۋدامەن وتكىزگەن, الايدا تەرگەۋ بارىسىندا انىقتالعانداي, ول مۇناي ونىمدەرىن قۇجاتسىز ساتىپ الىپ, ساقتاپ, كەيىن ساتقان. ول ولاردىڭ شىعۋ تەگىنىڭ زاڭدىلىعىن راستاي المادى. تەرگەۋ بارىسىندا كۇدىكتىنىڭ 2019-2023 جىلدار ارالىعىندا 16 ءتۇرلى كومپانيادان جالپى سوماسى 574 728 811 تەڭگەگە 2 422 توننا ديزەل وتىنىن ساتىپ العانى انىقتالدى.ونىڭ ىشىندە راستايتىن قۇجاتسىز ساتىپ الىنعان 334 توننا ديزەل وتىنىن 18 مەملەكەتتىك ورگانعا جانە ءۇش زاڭدى تۇلعاعا جالپى سوماسى 262 151 055 تەڭگەگە ساتىپ, كەيىن ونى زاڭداستىرۋعا بەرگەن», — دەدى قىزىلوردا وبلىسى بويىنشا ەكونوميكالىق تەرگەۋ دەپارتامەنتىنىڭ اسا ماڭىزدى ىستەر بويىنشا تەرگەۋشىسى فارحاد كۇزدەۋباەۆ.

سوت كۇدىكتىنى باپتىڭ قازاقستان رەسپۋبليكاسى قىلمىستىق كودەكسىنىڭ 197 بابىنىڭ 4-بولىگىنىڭ 2-تارماعى بويىنشاجانە 218-بابتىڭ 3-تارماقتىڭ 3-بولىگى «مۇناي جانە مۇناي ونىمدەرىن تاسىمالداۋ, ساتىپ الۋ, وتكىزۋ, ساقتاۋ, سونداي-اق ولاردىڭ شىعۋ زاڭدىلىعىن راستايتىن قۇجاتتارسىز مۇناي وڭدەۋ» جانە «قىلمىستىق جولمەن الىنعان اقشانى جانە (نەمەسە) وزگە دە م ۇلىكتى زاڭداستىرۋ (جىلىستاتۋ)» بابتارى بويىنشا كىنالى دەپ تاپتى.

ول 5 جىلعا شارتتى تۇردە باس بوستاندىعىنان ايىرۋ جازاسىنا كەسىلدى.

ۇكىم زاڭدى كۇشىنە ەندى.