574 mıllıon teńge shyǵyn: Qyzylorda qalasynyń turǵyny munaı ónimderin zańsyz satqan

Tergeý barysynda anyqtalǵandaı, jaýapker sonaý 2018 jyly munaı ónimderin kóterme saýdamen satýmen aınalysatyn jaýapkershiligi shekteýli seriktestigin tirkegen.

«Ol osy seriktestiktiń dırektory jáne onyń jalǵyz quryltaıshysy boldy. Kásipker dızeldik otyndy kóterme saýdamen ótkizgen, alaıda tergeý barysynda anyqtalǵandaı, ol munaı ónimderin qujatsyz satyp alyp, saqtap, keıin satqan. Ol olardyń shyǵý teginiń zańdylyǵyn rastaı almady. Tergeý barysynda kúdiktiniń 2019-2023 jyldar aralyǵynda 16 túrli kompanııadan jalpy somasy 574 728 811 teńgege 2 422 tonna dızel otynyn satyp alǵany anyqtaldy.Onyń ishinde rastaıtyn qujatsyz satyp alynǵan 334 tonna dızel otynyn 18 memlekettik organǵa jáne úsh zańdy tulǵaǵa jalpy somasy 262 151 055 teńgege satyp, keıin ony zańdastyrýǵa bergen», — dedi Qyzylorda oblysy boıynsha Ekonomıkalyq tergeý departamentiniń asa mańyzdy ister boıynsha tergeýshisi Farhad Kúzdeýbaev.

Sot kúdiktini baptyń Qazaqstan Respýblıkasy Qylmystyq kodeksiniń 197 babynyń 4-bóliginiń 2-tarmaǵy boıynshajáne 218-babtyń 3-tarmaqtyń 3-bóligi «Munaı jáne munaı ónimderin tasymaldaý, satyp alý, ótkizý, saqtaý, sondaı-aq olardyń shyǵý zańdylyǵyn rastaıtyn qujattarsyz munaı óńdeý» jáne «Qylmystyq jolmen alynǵan aqshany jáne (nemese) ózge de múlikti zańdastyrý (jylystatý)» babtary boıynsha kináli dep tapty.

Ol 5 jylǵa shartty túrde bas bostandyǵynan aıyrý jazasyna kesildi.

Úkim zańdy kúshine endi.