«6 ادام بولدى»: ءلايلا سۇلتانقىزى مارقۇم كۇيەۋىنىڭ مۇراسى بولىسكە تۇسكەنىن ايتتى

فوتو: سكرينشوت/YouTube

تانىمال تەلەجۇرگىزۋشى ءلايلا سۇلتانقىزى ارىپتەسى ايگەرىم سەيفوللاعا بەرگەن سۇحباتىندا مارقۇم كۇيەۋىنەن قالعان مۇرانىڭ قالاي بولىسكە تۇسكەنىن ءمالىم ەتتى, — دەپ حابارلايدى qandastar.kz turkystan.kz-كە سىلتەمە جاساپ.

ونىڭ ايتۋىنشا, جولداسىنىڭ مۇلكى 4 ۇلى, ءبىر قىزى جانە زاڭدى ايەلى رەتىندە ورتاق بولىنگەن.

«ءبىرىنشى وتباسىنان 2 ۇلى بار.  الدىسى 40 جاسقا كەلگەن. ال ەكىنشى وتباسىنان ءبىر قىزى بار. جاسى 25-كە كەلىپ قالدى. ودان كەيىن مەنىڭ 18 جانە 16  جاستاعى ەكى ۇلىم بار. بالالارى اكەلەرىنىڭ ءتىرى كەزىندە جاقسى ارالاستى.

شىن مانىندە وسيەت حات بولعان جوق, زاڭ بويىنشا 6 اي كولەمىندە كۇتۋىمىز كەرەك بولدى. ياعني باسقا بالالارى بار ما, بار بولسا, ولار دالەلدەۋى كەرەك دەگەن سياقتى تۇستارى بار. مۇرا التى ايدان كەيىن بەرىلەدى. ءبىزدىڭ جاعدايدا بەس مۇراگەر: ۇلى مەن قىزى, ەكەۋمىزدىڭ ەكى ۇلىمىز جانە زاڭدى ايەلى, ياعني مەن.

بۇل جەردە «ەكى ۇلكەن ۇلى ەنشىسىنەن باس تارتىپ, 2 كىشكەنتاي باۋىرىنا بەردى مە?» دەگەن سۇراق تۋىندايدى. ولار بەرگەن جوق, بەرگىسى دە كەلمەدى. مەن سەبەبىن تۇسىنەمىن. سەبەبى ولار قالىپتاسقان تۇلعا, ولار دا قايرەكەڭنىڭ بالالارى. قايرەكەڭنىڭ ارتىندا دۇنيە م ۇلىك قالعان جوق. قالعانى تەك بىرگە الىنعان م ۇلىك. ءبىز وتباسى بولىپ, زاڭدى نەكەدە تۇرعان كەزدە الىنعان دۇنيەنىڭ بارلىعى بالالاردىڭ بارلىعىنا تەڭدەي بولىنەدى.

ياعني قانداي م ۇلىك بولسىن, ول التى ادامعا بولىنەدى. ەشقانداي دۇنيە-م ۇلىك قالعان جوق.», – دەدى ول.