«6 adam boldy»: Láılá Sultanqyzy marqum kúıeýiniń murasy bóliske túskenin aıtty

Foto: skrınshot/YouTube

Tanymal telejúrgizýshi Láılá Sultanqyzy áriptesi Áıgerim Seıfollaǵa bergen suhbatynda marqum kúıeýinen qalǵan muranyń qalaı bóliske túskenin málim etti, — dep habarlaıdy qandastar.kz turkystan.kz-ke silteme jasap.

Onyń aıtýynsha, joldasynyń múlki 4 uly, bir qyzy jáne zańdy áıeli retinde ortaq bólingen.

«Birinshi otbasynan 2 uly bar.  Aldysy 40 jasqa kelgen. Al ekinshi otbasynan bir qyzy bar. Jasy 25-ke kelip qaldy. Odan keıin meniń 18 jáne 16  jastaǵy eki ulym bar. Balalary ákeleriniń tiri kezinde jaqsy aralasty.

Shyn máninde ósıet hat bolǵan joq, zań boıynsha 6 aı kóleminde kútýimiz kerek boldy. Iaǵnı basqa balalary bar ma, bar bolsa, olar dáleldeýi kerek degen sııaqty tustary bar. Mura alty aıdan keıin beriledi. Bizdiń jaǵdaıda bes murager: uly men qyzy, ekeýmizdiń eki ulymyz jáne zańdy áıeli, ıaǵnı men.

Bul jerde «Eki úlken uly enshisinen bas tartyp, 2 kishkentaı baýyryna berdi me?» degen suraq týyndaıdy. Olar bergen joq, bergisi de kelmedi. Men sebebin túsinemin. Sebebi olar qalyptasqan tulǵa, olar da Qaırekeńniń balalary. Qaırekeńniń artynda dúnıe múlik qalǵan joq. Qalǵany tek birge alynǵan múlik. Biz otbasy bolyp, zańdy nekede turǵan kezde alynǵan dúnıeniń barlyǵy balalardyń barlyǵyna teńdeı bólinedi.

Iaǵnı qandaı múlik bolsyn, ol alty adamǵa bólinedi. Eshqandaı dúnıe-múlik qalǵan joq.», – dedi ol.