6 jasar balany urǵan er adam taǵylǵan aıypty moıyndaýdan bas tartty

Jelide taraǵan vıdeodaǵy er adam – Almaty Qoǵamdyq keńesiniń múshesi Aleksandr Belıanov. Ol oqıǵaǵa qatysty óz nusqasyn aıtty. Qazirgi tańda er adam 6 jastaǵy balany urdy dep aıyptalyp otyr. Balanyń anasy polıııaǵa shaǵym túsirdi,  dep habarlaıdy Qandastar.kz aqparat portaly.

Aleksandr Belıanov meıramhanadaǵy oıyn bólmesinde túsirilgen vıdeonyń tolyq nusqasyn usyndy. Ol meıramhanada óziniń 5 jastaǵy ulymen birge bolǵanyn rastady.

«Eki bala bólme ishine shashylyp jatqan zattardy, ıaǵnı sharlar men aǵashtan jasalǵan tekshelerdi bir-birine laqtyra bastady. Bul zattar jan-jaqqa beıbereket ushyp jatty. Men olarǵa munyń qaýipti ekenin, bir-birintıip ketýi múmkin ekenin eskerttim. Olar tyńdamady, ary qaraı jalǵastyra berdi», — dedi Aleksandr Belıanov.

Onyń aıtýynsha, balalar laqtyryp oınap júrgen zattardyń biri onyń ulyna tıgen.

«Bir sátte balalardyń biri meniń ulym turǵan jerdegi qoraptan sharlardy ala bastady. Ekinshisi sol balaǵa shar laqtyrǵanda, ol meniń ulymnyń qulaǵyna tıdi. Balanyń basyna qandaı kúshpen tıgenin oıynshyqtyń keri qaraı yrshyǵanynan-aq baıqaýǵa bolady. Ádette jylamaıtyn ulym bul joly qulaǵyn ustap jylady. Súrine-jyǵyla maǵan keldi. Men ony qushaqtap, súıip, balalardyń ádeıi istemegenin túsindirdim. Keıinnen balalar eskertýdi qulaǵyna da ilmegenin, olar ata-analarynyń qaraýynsyz júrgenin kórip, ulymdy olardan qashyq ustadym. Balamnyń qaıta jaraqat almasyn dep tyrystym», — dep túsindirdi ol.

Belıanov tek ulyn ary-beri ushyp jatqan oıynshyqtardan qorǵamaq bolǵanyn aıtty.

«Sebebi bul zattar retsiz ushyp, ulym jaqqa qaraı túsip jatty. Maǵan janynda turǵan balany sál shetke ıterýge týra keldi. Sol sátte sharıkter turǵan qoraptan bala shar almaq bolǵanda, men eshteńeni tartyp alǵan joqpyn, eshkimge daýys kótermedim, sabyrmen túsindirip, shar turǵan basqa jerdegi qorapty kórsettim. Olar sol jaqqa baryp, sharlar men tekshelermen oınady. Tolyq vıdeoda meniń áreketimniń barlyǵy tek balamdy qorǵaý maqsatynda bolǵany anyq kórinedi», — dedi er adam.