6 jyl boıy energetık ishtim: Qaterli isikke shaldyqqan Murat Bısembın bar syryn aqtardy

Kınojuldyz Murat Bısembın telejýrnalıst Dınara Sátjanǵa suhbat berdi, dep habarlaıdy qandastar.kz Alash.kz ulttyq portalyna silteme jasap.

“Jyl saıyn bir ret chekaptan ótip turý kerek. Qazir túrli jarnamalary shyǵyp jatyr, men soǵan keńes berer edim. Qolyńyzda aqshańyz bolsa birden chekap jasatyp alyńyz. Erteń ne ishemin, qalaı kún kóremin dep oılamaı-aq qoıyńyz. Ári ketse 1000 AQSh dollaryn jumsaısyz. Sol kezde bir syrqatyńyz der kezinde anyqtalady. Ol tek qaterli isikke qatysty emes. Múmkin terapııalyq em qoldanyp, endi ǵana bilinip kele jatqan syrqattyń aldyn alýyńyz múmkin. Men chekaptan ótpedim. Sol baıaǵy qazaqshylyqqa salynyp, “Oı maǵan ne úshin, esh jerim aýyrmaıdy” dedim. Keıin densaýlyǵyma salǵyrt qaraǵanym úshin, qatty ókindim”, – dep bastady áńgimesin akter.

“6 jyldan beri ashyǵý rejımin ustaımyn. Sportpen shuǵyldanamyn. Biraq salmaǵym sol kúıi turdy. Áıelim baıqap, dabyl qaqty. Eger asqazanyńyzda eshqandaı másele bolmasa jıi ashyǵyp turǵan durys. Odan qorqýdyń qajeti joq. Odan keıin alty jyl boıy ashqarynǵa energetık sýsyn ishtim. Sosyn qantsyz kolany tańerteńnen keshke deıin iship júrdim. Osylar meniń tábetimdi tejeıdi dep oıladym. О́ıtkeni qansha tamaq iship, sportpen aınalyssam da, salmaq qospadym. Meniń dıagnozymnyń eń birinshi belgisi – salmaq jınaı almaı qalý eken. Biraq sýsyndar meniń densaýlyǵyma zııanyn tıgizdi. Qaterli isikke shaldyǵýymnyń birden bir sebebi de osy zııandy sýsyndar bolýy múmkin”, – dedi akter.