جاڭالىقتار
600 مىڭ تەڭگەلىك تورت: كونديتەر اقشانى تولەمەي قويعان بلوگەردى سوتقا بەردى
فوتو: Threads @arzhan.saduaqas
600 مىڭ تەڭگەلىك تورت دايىنداپ, ونىڭ اقشاسىن الا الماي قالعان كونديتەر نۇرشات اقبەرگەنوۆا سوتتا ءوز مۇددەسىن قورعاۋ ءۇشىن ادۆوكات جالدادى, دەپ جازدى qandastar.kz
بۇل تۋرالىStan.kz اقپارات اگەنتتىگى حابارلايدى.
Threads جەلىسىندە ادۆوكات بلوگەرمەن سوتتاساتىندارىن ايتتى.
ء«بىزدىڭ زاڭگەرلىك توپ سوتتا نۇرشاتتىڭ قۇقىقتارى مەن زاڭدى مۇددەلەرىن قورعاپ, زاڭدا قاراستىرىلعان بارلىق شارانى قولدانادى. فاكتىنى بۇرمالاپ, قوعامدى جاڭىلىستىرۋعا باعىتتالعان ارەكەتتەرگە قۇقىقتىق باعا بەرىلەدى», – دەپ جازدى ادۆوكات ارجان سادۋاقاس.
ەسكە سالساق, بۇعان دەيىن قازاقستاندىق بلوگەردىڭ 600 مىڭ تەڭگە تۇراتىن تورتقا تاپسىرىس بەرىپ, اقشاسىن تولەمەي قويعانى تۋرالى جازعان ەدىك. كەيىن قازاقستاندىقتار كونديتەرگە كومەكتەسىپ, اقشانى جيناپ بەرە باستادى.
