«600 myń tonna ónim ysyrap»: Jambyl oblysynda sharýalar ala jazdaı ekken qant qyzylshasyn qaıda tapsyraryn bilmeıdi

Foto sıýjet kadrlarynan

Jambyl oblysynda sharýalar ala jazdaı ekken qant qyzylshasyn qaıda ótkizetinin bilmeı júr. Aıtýlarynsha, aımaqtaǵy zaýyt qabyldaýǵa qaýqarsyz. Endi 600 myń tonna ónim ysyrap bolmaq. Bul týraly «Stan.kz» aqparat agenttigi 31-arnanyń «Informbıýro» jańalyqtar baǵdarlamasyna silteme jasap habarlaıdy.

Sharýalardyń aıtýynsha ónim jınalǵanmen ótkizetin jer joq. Merkidegi kásiporyn aldy bolsa, ónim toly júk kólikterine toly.

«Kúnige 12-aq gektar ótkizedi ekenbiz. Aıyna 2,5 myń gektardyń 360 gektaryn ǵana. Onda biz 2,5 myń gektardy segiz aı ótkizýimiz kerek qoı», – dedi sharýa qojalyqtyń basshysy Rabjan Gaınýdınov.

Oblys boıynsha 600 myń tonna ónim jınalý kerek. Qazir Jambyl, Qordaı, Baızaq aýdanynyń sharýalary aýylsharýashylyq basqarmasynyń aldynda dabyl qaǵyp júr. Barlyǵynda jaýaptylar estisin, eskersin, der kezinde demeý bolsa eken degen tilek bar.

«Bastaıyn dep turmyz. Bir de bir kamaz joq. Kamazdyń bári Merkide tur bes kún boldy tur», – dedi olar.

Bul aıtylǵandardy ákim orynbasary joqqa shyǵarmaıdy. Ol úkimetten járdem kútip otyrǵandaryn jetkizdi.

«Al zańdy túrde oǵan qysym kórsetetin bizdiń múmkindigimiz joq. Alaı bulaı bolyp qysqartý bolyp ketip, taǵy zaýyt toqtap qaldy degen másele bolyp jatsa, Qyrǵyzstannyń zaýyttarymen kelissózder júrgizilip jatyr», – dedi Jambyl oblysy ákiminiń orynbasary Ábilhaıyr Tamabek.

Merkidegi zaýyttyń munsha mol ónimdi qabyldaýǵa qaýqary bolmaı otyr. О́ńirdegi kásiporynmen osy ýaqytqa deıin kezdesý az bolmapty. Sheneýnikter Qyrǵyz asyp jetkizsek te qyzylshany dalada qaldyrmaımyz dep sendirýde.