650 قازاقستاندىق رەسەي تۇرمەسىندە جازاسىن وتەپ ءجۇر

فوتو: اشىق دەرەككوز

بۇل تۋرالى باس پروكۋروردىڭ ورىنباسارى عالىمجان قويگەلديەۆ ءماجىلىس كۋلۋارىندا ايتتى, دەپ  حابارلايدى  qandastar.kz atamekenbusiness_qaz سىلتەمە جاساپ.

«ءبىزدىڭ 900 وتانداسىمىز جازاسىن شەتەلدە وتەپ جاتىر. ولاردىڭ باسىم بولىگى, ياعني شامامەن 650 ادام رەسەيدە.

1000-عا جۋىق شەتەلدىك ەلىمىزدىڭ تۇرمەلەرىندە وتىر. ولاردىڭ دەنى وزبەكستان ازاماتتارى.

وكىنىشكە قاراي, ءبىزدىڭ جاستار وڭاي اقشا تابامىز دەپ شەتەلگە بارىپ, ۇرىنىپ قالۋ, كەلەڭسىز جاعدايعا ءتۇسىپ قالۋ وقيعالارى وتە كوپ. اسىرەسە, ەسىرتكى تاسىمالداۋعا بايلانىستى ماسەلەلەر بار. شەتەل تۇرمەسىندە جازانى وتەۋ قيىن, سەبەبى تىلدىك كەدەرگى بار. ول قاراپايىم نارسەنى دە سۇراي المايدى. كەيبىر ەلدەردە «ءماجبۇرلى ەڭبەك» دەگەن ۇعىم بار. ادام جۇمىس ىستەمەگەن جاعدايدا وعان تاماق بەرىلمەيدى», – دەدى قويگەلديەۆ.

ايتۋىنشا, شەتەلدە جۇرگەندە بارعان ەلدىڭ ەرەجەلەرىن ساقتاۋ قاجەت.

«سوڭعى 5 جىلدا قازاقستانعا 160  سوتتالعان وتانداسىمىزدى قايتاردىق, 190 شەتەلدىكتى ءوز ەلدەرىنە جىبەردىك. وسى جىلدىڭ 9 ايىندا جازاسىن وتەپ جاتقان 24 ازاماتىمىزدى ەلگە قايتاردىق», – دەدى باس پروكۋروردىڭ ورىنباسارى.