650 qazaqstandyq Reseı túrmesinde jazasyn ótep júr

Foto: ashyq derekkóz

Bul týraly Bas Prokýrordyń orynbasary Ǵalymjan Qoıgeldıev Májilis kýlýarynda aıtty, dep  habarlaıdy  qandastar.kz atamekenbusiness_qaz silteme jasap.

«Bizdiń 900 otandasymyz jazasyn shetelde ótep jatyr. Olardyń basym bóligi, ıaǵnı shamamen 650 adam Reseıde.

1000-ǵa jýyq sheteldik elimizdiń túrmelerinde otyr. Olardyń deni О́zbekstan azamattary.

О́kinishke qaraı, bizdiń jastar ońaı aqsha tabamyz dep shetelge baryp, urynyp qalý, keleńsiz jaǵdaıǵa túsip qalý oqıǵalary óte kóp. Ásirese, esirtki tasymaldaýǵa baılanysty máseleler bar. Shetel túrmesinde jazany óteý qıyn, sebebi tildik kedergi bar. Ol qarapaıym nárseni de suraı almaıdy. Keıbir elderde «májbúrli eńbek» degen uǵym bar. Adam jumys istemegen jaǵdaıda oǵan tamaq berilmeıdi», – dedi Qoıgeldıev.

Aıtýynsha, shetelde júrgende barǵan eldiń erejelerin saqtaý qajet.

«Sońǵy 5 jylda Qazaqstanǵa 160  sottalǵan otandasymyzdy qaıtardyq, 190 sheteldikti óz elderine jiberdik. Osy jyldyń 9 aıynda jazasyn ótep jatqan 24 azamatymyzdy elge qaıtardyq», – dedi Bas Prokýrordyń orynbasary.