«660 mıllıon dollar shyndyqqa janaspaıtyn ıfr»: Sport mınıstrligi Olımpıadaǵa bólingen qarajattyń somasyn aıtty

Foto: ashyq derekkóz

Áleýmettik jelide Qazaqstan Ulttyq qurama sportshylaryn Parıj Olımpıadasyna daıyndaýǵa jáne olardyń Olımpıada oıyndaryna qatysýyna bıýdjetten 500 (О́zbekstanmen salystyrǵanda 6 ese kóp) mıllıon dollar qarajat bólgeni týraly aqparat tarady. Alaıda Týrızm jáne sport mınıstrligi Stan.kz tilshisine bul aqparattyń shyndyqqa janaspaıtynyn málimdedi.

Jelide Olıpıadadan 8 altyn, 2 kúmis, 3 qola medel alyp, júlde sany boıynsha 13 orynǵa kóterilgen О́zbekstan sportshylarǵa bıýdjetten 160 mıllıon dollar bóldi. Al Qazaqstan 660 mıllıon teńge bóle tura, 41 orynǵa turaqtaǵyny týraly aqparat tarady.

Mınıstrliktiń málimetinshe, О́zbekstannyń Olımpıadaǵa jumsaǵan qarjysy dep kórsetilgen 160 mıllıon dollar olardyń respýblıkalyq bıýdjetten sportqa bólgen somasy.

“Qazaqstan respýblıkalyq bıýdjetten sportqa 2023 jyly 61,3 mıllıard teńge qarjy bóldi. Bul shamamen 128 mıllıon AQSh dollaryna teń. Atalǵan soma respýblıkanyń barlyq sporttyq qajettiligin, onyń ishinde, Olımpıada, olımpıadalyq jáne olımpıadalyq emes sport túrilerinen álem, Azııa chempıonattary sııaqty halyqaralyq jarystarǵa daıyndyqqa jáne ulttyq sportqa bólingen. Sondyqtan «660 mıllıon dollar» dep kórsetilgen ıfr shyndyqqa janaspaıtynyn jáne bul qoǵamdy shatastyratynyn eskertemiz”, – dep málimdedi vedomstvo.

Al Olımpıadaǵa ıaǵnı, Ulttyq qurama komandany daıarlaýǵa, sportshylardyń Olımpıada oıyndaryna qatysýyna 980 mıllıon teńge jumsaldy.

Mınıstrlik Qazaqstan da ózge elder sııaqty sportqa bólingen qarajatty tıimdi jumsaýǵa tyrysatynyn jáne sport salasyn qarjylandyrýǵa asa jaýapkershilikpen qaraıtynyn atap ótti.

Sondaı-aq vedomstvo mınıstrlik tarapynan kásibı sportty damytýǵa qarjy bólinbegenin málimdedi.