جاڭالىقتار
«660 ملن تەڭگە: قارجاۋباي نۇرىموۆ ايىپتالۋشىلاردان مورالدىق شىعىن تالاپ ەتتى
بۇگىن 16 جاستاعى شەرزات پولاتتىڭ ولىمىنە قاتىستى كەزەكتى سوت وتىرىسى ءوتىپ جاتىر. وسى سوت وتىرىسىندا جابىرلەنۋشى تاراپتىڭ ادۆوكاتتارى سوتتالۋشىلاردان جابىرلەنۋشىلەردىڭ پايداسىنا مورالدىق جانە ماتەريالدىق شىعىن ءوندىرۋ تۋرالى ءوتىنىش بەردى, دەپ حابارلايدى qandastar.kz
«1. قارجاۋباي نۇرىموۆتىڭ پايداسىنا ۇلىنىڭ جەرلەۋ راسىمىنە جۇمسالعان شىعىن رەتىندە ابزال شىناسىلدان 2 ملن 794 مىڭ تەڭگە ماتەريالدىق شىعىن ءوندىرۋ;
2. قارجاۋباي نۇرىموۆتىڭ پايداسىنا مورالدىق وتەماقى رەتىندە ابزال شىناسىل مەن راۆيل ساكيەۆتىڭ ارقايسىنان 50 ملن تەڭگەدەن, جالپى سوماسى 100 ملن تەڭگە ءوندىرۋ;
3. گۇلبارا بيشىمباەۆانىڭ پايداسىنا مورالدىق وتەماقى رەتىندە ابزال شىناسىل مەن راۆيل ساكيەۆتىڭ ارقايسىنان 50 ملن تەڭگەدەن, جالپى سوماسى 100 ملن تەڭگە ءوندىرۋ;
4. جۇمابيكە قادىروۆانىڭ پايداسىنا مورالدىق وتەماقى رەتىندە ابزال شىناسىل مەن راۆيل ساكيەۆتىڭ ارقايسىنان 50 ملن تەڭگەدەن, جالپى سوماسى 100 ملن تەڭگە ءوندىرۋ;
5. قارجاۋباي نۇرىموۆتىڭ پايداسىنا مورالدىق وتەماقى رەتىندە شىڭعىس بەلعوجاەۆ, دارحان اسكەنتاي, نۇرقياس ءىلياسوۆ, ازامات توقتاۋباەۆ, نۇربول توقتاۋباەۆ, ديدار قالياحمەتتىڭ ارقايسىنان 20 ملن تەڭگەدەن, جالپى سوماسى 120 ملن تەڭگە ءوندىرۋ;
6. گۇلبارا بيشىمباەۆانىڭ پايداسىنا مورالدىق وتەماقى رەتىندە شىڭعىس بەلعوجاەۆ, دارحان اسكەنتاي, نۇرقياس ءىلياسوۆ, ازامات توقتاۋباەۆ, نۇربول توقتاۋباەۆ, ديدار قالياحمەتتىڭ ارقايسىنان 20 ملن تەڭگەدەن, جالپى سوماسى 120 ملن تەڭگە ءوندىرۋ;
7. جۇمابيكە قادىروۆانىڭ پايداسىنا مورالدىق وتەماقى رەتىندە شىڭعىس بەلعوجاەۆ, دارحان اسكەنتاي, نۇرقياس ءىلياسوۆ, ازامات توقتاۋباەۆ, نۇربول توقتاۋباەۆ, ديدار قالياحمەتتىڭ ارقايسىنان 20 ملن تەڭگەدەن, جالپى سوماسى 120 ملن تەڭگە ءوندىرۋدى سۇرايمىز», – دەدى جابىرلەنۋشىلەردىڭ ادۆوكاتى.
turkystan.kz جازعانداي, ابىرلەنۋشى تاراپ سۇراعان ماتەريالدىق جانە مورالدىق شىعىننىڭ جالپى سوماسى 662 794 مىڭ تەڭگەنى قۇرادى.
وسى تالاپ-ارىزعا بايلانىستى سوت ءۇزىلىس جاريالادى.
