«7-20-25» ıpotekalyq baǵdarlamasyna qandaı ózgeris endi?

Foto: ashyq derekkóz

Baǵdarlama jumys isteıtin azamattardy 20%-dan bastalatyn bastapqy jarnasy kezinde jyldyq 7% jeńildikti mólsherleme boıynsha 25 jylǵa deıingi merzimge qoljetimdi ıpotekamen qamtamasyz etý úshin 2018 jyly iske qosylǵan bolatyn.

Qazaqstan Ulttyq banki «7-20-25» ıpotekalyq turǵyn úı kredıtteý baǵdarlamasyn bekitý týraly» qaýlyǵa ózgerister engizilgenin málimdedi, – dep habarlaıdy qandastar.kz

О́zgerister Ulttyq banktiń 2024 jylǵy 30 qazandaǵy №65 basqarma qaýlysymen engiziledi, onda:

• 2025 jyly baǵdarlamany qarjylandyrýdyń jyldyq kólemi 100 mlrd teńgege deıin belgileý;
• «7-20-25» baǵdarlamasy boıynsha alynǵan qaryzdyń negizgi boryshy men syıaqysy boıynsha merzimdi áskerı qyzmetti ótkerý merzimin jáne ol aıaqtalǵannan keıin 60 kún kiretin kezeńge merzimdi áskerı qyzmettiń áskerı qyzmetshileri úshin tólem merzimin keıinge qaldyrýdy engizý;
• 2025 jylǵy 1 qańtardan bastap árbir otbasy múshesine paıdaly aýdany 15 sharshy metrden kem jataqhanalardaǵy bólmelerdi, sondaı-aq Qazaqstan Respýblıkasynyń zańnamasynda belgilengen tártippen apat jaǵdaıynda dep tanylǵan turǵyn úılerdi qospaǵanda, Qazaqstan Respýblıkasynyń aýmaǵynda sońǵy 18 aı ishinde qaryz alýshynyń (jáne jubaıynyń/zaıybynyń) menshik quqyǵynda turǵyn úıiniń bolmaýy týraly talapty engizý kózdeledi.

– Bul normalar halyqty, ásirese, baspanaǵa muqtaj azamattardy meıilinshe kóbirek qamtý maqsatynda, sondaı-aq merzimdi áskerı qyzmettiń áskerı qyzmetshileri úshin banktik qaryz sharttary boıynsha negizgi borysh pen syıaqy boıynsha tólem merzimin keıinge qaldyrýdy kózdeıtin zańnamadaǵy ózgeristerge sáıkes engiziledi.Baǵdarlama aıasynda beriletin ıpotekalyq turǵyn úı qaryzdarynyń parametrleri (bastapqy jarnanyń eń tómengi mólsheri, qaryzdyń eń joǵary somasy, syıaqy mólsherlemesi, qaryz merzimi, óńirler bólinisinde satyp alynatyn turǵyn úıdiń eń joǵary quny jáne t.b.) ózgerissiz qalady, – delingen aqparatta.

Baǵdarlama jumys isteıtin azamattardy 20%-dan bastalatyn bastapqy jarnasy kezinde jyldyq 7% jeńildikti mólsherleme boıynsha 25 jylǵa deıingi merzimge qoljetimdi ıpotekamen qamtamasyz etý úshin 2018 jyly iske qosyldy.

2024 jylǵy 31 qazandaǵy jaǵdaı boıynsha, baǵdarlama aıasynda 1 059,6 mlrd teńgege jeńildetilgen 76 753 qaryz berildi.

Qaýlynyń tolyq mátinimen Qazaqstan Respýblıkasy  Ulttyq bankiniń resmı ınternet-resýrsynda tanysýǵa bolady.