جاڭالىقتار
«7 ادام امان قالدى». تانىمال ءانشى بۇركىت جانتۇرشىگەرلىك جول اپاتى تۋرالى ايتتى
فوتو: ۆيدەودان كادر
تانىمال قازاقستاندىق ءانشى بۇركىت ءىنىسىنىڭ جول اپاتىنا ۇشىراعانى تۋرالى ايتىپ, تىڭدارماندارىن جولدا ساق بولۋعا شاقىردى, — دەپ حابارلايدى Massaget.kz ءتىلشىسى.
«بۇگىن قۇلجا جولى بويىندا ءىنىم جولعا شىققان. سودان «گازەل» مەن جەڭىل كولىك سوقتىعىسىپ قالعان. ەڭ باستىسى, 7 ادام دا امان قالدى. شاعىن جاراقاتتار بار, بىراق باستارى امان. ءوتىنىش, ابايلاپ جۇرىڭىزدەرشى! كولىكتى جاي ايداڭىزدار! اباي بولىڭىزدار! قۇداي ساقتاسىن, مىنادان كەيىن قالاي قورىقپايمىز, بىلمەيمىن», – دەدى ول جول اپاتى بولعان ورىننان ۆيدەو ءتۇسىرىپ ءجۇرىپ.
«ساقتانعاندى قۇداي ساقتايدى دەمەكشى, اباي جۇرىڭىزدەر! تراسسا دەگەن جامان! پەرىشتە ساقتاپ قالدى ءبارىن», – دەپ جازدى ءانشى الەۋمەتتىك جەلىدەگى پاراقشاسىندا.
