7 jasar balany 12-qabattan laqtyrmaq bolǵan: Astanalyq oqýshylardyń ata-analary jazalanady

Foto: ashyq derekkóz

Astanada 7 jasar balany turǵyn úı kesheniniń balkonynan laqtyrmaq bolǵan mektep oqýshylarynyń ata-analary jazalanady. Bul týraly qandastar.kz Kznews.kz aqparat agenttigine silteme jasap habarlaıdy.

Buǵan deıin Astanada bir aýlanyń balalary dostaryn úıdiń 12-qabatynan laqtyryp jibermek bolǵany týraly jazǵan edik.

Polıııa oqıǵaǵa qatysy bar oqýshylardyń jeke basyn anyqtydy. Qazir is sheshim qabyldaý úshin sotqa jiberilgen.

«Zańdy ókilderine qatysty ákimshilik hattama toltyryldy, jınaqtalǵan materıal sheshim qabyldaý úshin sotqa jiberildi. Astana polıııasy zańdy ókilderge kámeletke tolmaǵandardy tárbıeleý boıynsha mindetterin tıisinshe oryndamaǵany úshin jaýapkershilik qarastyrylǵanyn eskertedi», – delingen habarlamada.

Oqıǵaǵa qatysty Astana qalalyq bilim basqarmasy da málimdeme jasady. Basqarmanyń málimetinshe, balalar prank-vıdeo túsirmek bolǵan.

“Balalardyń sózinshe olar prank-vıdeo túsirgisi kelgen. Osylaısha olar kóńil kóterip, óz áreketteriniń qaýipti ekenin túsinbegen. Ata-analarmen túsindirý jumystary júrgizildi, balalarmen psıhologtar jumys isteýde. Ata-analar zardap shekken taraptan keshirim surap, túsindirme hat jazyp, psıhologtardyń jumysyna kelisimin berdi”, – delingen habarlamada.

Eske salsaq, buǵan deıin Shymkentte Shymkentte aǵasy búldirshindi 4-qabattan laqtyryp jiberip, balanyń kóz jumǵany týraly jazǵan edik.