«7 جىل بويى ايەلىن قورلاعان»: كوكشەتاۋدا تەرگەۋ قايتا جاندانىپ, ءىس سوتقا جولداندى

فوتو: istockphoto.com

اقمولا وبلىسىنىڭ پروكۋرلارى وزىنە قول جۇمساعان جاس قىزدىڭ ولىمىنە قاتىستى قىلمىستىق ءىستى قايتا جالعاستىردى. وسىعان دەيىن قالالىق پوليتسيا بۇل ءىستى توقتاتقان بولاتىن, دەپ حابارلادى qandastar.kz inbusiness.kz-كە سىلتەمە جاساپ.

وبلىستىق پروكۋراتۋرانىڭ حابارلاۋىنشا, قىلمىستىق ءىستىڭ تەرگەلۋى وبلىستىق پوليتسيا دەپارتامەنتىنىڭ تاجىريبەلى قىزمەتكەرىنە تاپسىرىلدى.

«ول ءىس-ارەكەتتەردى ۇيلەستىرۋ جانە قالالىق پروكۋراتۋرانىڭ قاداعالاۋىمەن بولعان وقيعالاردىڭ شىنايى ءمان-جايىن جانە ءوز-وزىنە قول جۇمساۋ سەبەبىن قالپىنا كەلتىرە الدى. تەرگەۋ ناتيجەسىندە كراسنىي يار اۋىلىنىڭ تۇرعىنى جۇيەلى قورلاۋ, ۇرىپ-سوعۋ جانە باسقا دا زورلىق-زومبىلىق ارەكەتتەرى ارقىلى 7 جىل بويى ازاماتتىق نەكەدەگى ايەلىنە فيزيكالىق جانە پسيحيكالىق ازاپ اكەلگەنى انىقتالدى, بۇل ايەلدىڭ ءوز-وزىنە قول جۇمساۋىنىڭ قايعىلى سالدارىنا اكەلدى», – دەلىنگەن حابارلامادا.

كۇدىكتىنىڭ ارەكەتتەرى قىلمىستىق كودەكستىڭ 105-بابىنىڭ 2-ءبولىمى 1-تارماعى ء(وزىن-ءوزى ولتىرۋگە دەيىن جەتكىزۋ) جانە 110-بابى 2-ءبولىمۋ 1-تارماعى (قيناۋ) سايكەس سارالاندى.

اقپاراتقا سايكەس, ءبىرىنشى باپتىڭ سانكتسياسى بەس جىلعا دەيىنگى مەرزىمگە شەكتەۋ نەمەسە باس بوستاندىعىنان ايىرۋ تۇرىندەگى جازا بولسا, ەكىنشى باپ بويىنشا ءتورت جىلدان جەتى جىلعا دەيىن باس بوستاندىعىنان ايىرۋ قاراستىرىلعان.

كۇدىكتىگە قاتىستى قىلمىستىق ءىس كوكشەتاۋ قالالىق سوتىنا جىبەرىلدى.