Áleýmet jáne qoǵam
«7 jyl boıy áıelin qorlaǵan»: Kókshetaýda tergeý qaıta jandanyp, is sotqa joldandy
Foto: istockphoto.com
Aqmola oblysynyń prokýrlary ózine qol jumsaǵan jas qyzdyń ólimine qatysty qylmystyq isti qaıta jalǵastyrdy. Osyǵan deıin qalalyq polıııa bul isti toqtatqan bolatyn, dep habarlady qandastar.kz inbusiness.kz-ke silteme jasap.
Oblystyq prokýratýranyń habarlaýynsha, qylmystyq istiń tergelýi oblystyq polıııa departamentiniń tájirıbeli qyzmetkerine tapsyryldy.
«Ol is-áreketterdi úılestirý jáne qalalyq prokýratýranyń qadaǵalaýymen bolǵan oqıǵalardyń shynaıy mán-jaıyn jáne óz-ózine qol jumsaý sebebin qalpyna keltire aldy. Tergeý nátıjesinde Krasnyı Iar aýylynyń turǵyny júıeli qorlaý, uryp-soǵý jáne basqa da zorlyq-zombylyq áreketteri arqyly 7 jyl boıy azamattyq nekedegi áıeline fızıkalyq jáne psıhıkalyq azap ákelgeni anyqtaldy, bul áıeldiń óz-ózine qol jumsaýynyń qaıǵyly saldaryna ákeldi», – delingen habarlamada.
Kúdiktiniń áreketteri Qylmystyq Kodekstiń 105-babynyń 2-bólimi 1-tarmaǵy (О́zin-ózi óltirýge deıin jetkizý) jáne 110-baby 2-bólimý 1-tarmaǵy (Qınaý) sáıkes saralandy.
Aqparatqa sáıkes, birinshi baptyń sankııasy bes jylǵa deıingi merzimge shekteý nemese bas bostandyǵynan aıyrý túrindegi jaza bolsa, ekinshi bap boıynsha tórt jyldan jeti jylǵa deıin bas bostandyǵynan aıyrý qarastyrylǵan.
Kúdiktige qatysty qylmystyq is Kókshetaý qalalyq sotyna jiberildi.
