جاڭالىقتار
7 جىل بويى ۇرىپ-سوققان: قازاقستاندىق ازامات نەكەدەگى ايەلىن ءوز-وزىنە قول جۇمساۋعا يتەرمەلەگەنى ءۇشىن سوتتالادى
وبلىستىق پروكۋراتۋرانىڭ حابارلاۋىنشا, بۇعان دەيىن كوكشەتاۋ پوليتسياسى جاس كەلىنشەكتىڭ اسىلىپ ولۋىنە قاتىستى قىلمىستىق ءىستى قىسقارتقان. الايدا پروكۋرورلار ءىستى قايتا قوزعادى.
Zakon.kz حابارلاعانداي, قىلمىستىق ءىستىڭ تەرگەلۋى وبلىستىق پوليتسيا دەپارتامەنتىنىڭ تاجىريبەلى قىزمەتكەرىنە تاپسىرىلدى, ول ءىس-ارەكەتتەردى ۇيلەستىرۋ جانە قالالىق پروكۋراتۋرانىڭ قاداعالاۋىمەن بولعان وقيعالاردىڭ شىنايى ءمان-جايىن جانە ءوز-وزىنە قول جۇمساۋ سەبەبىن قالپىنا كەلتىرە الدى.
تەرگەۋ ناتيجەسىندە كراسنىي يار اۋىلىنىڭ تۇرعىنى جۇيەلى قورلاۋ, ۇرىپ-سوعۋ جانە باسقا دا زورلىق-زومبىلىق ارەكەتتەرى ارقىلى 7 جىل بويى ازاماتتىق نەكەدەگى ايەلىنە فيزيكالىق جانە پسيحيكالىق ازاپ اكەلگەنى انىقتالدى, بۇل – ونىڭ ءوز-وزىنە قول جۇمساۋىنىڭ قايعىلى سالدارىنا اكەلدى.
«كۇدىكتىنىڭ ارەكەتتەرى قك-ءتىڭ 105-ب. 2-ب. 1-ت. ء(وزى-ءوزى ولتىرۋگە دەيىن جەتكىزۋ) 110-ب. 2-ب. 1-ت. (جۇيەلى قيناۋ) سايكەس سارالاندى.»اقمولا وبلىسىنىڭ پروكۋراتۋراسى
قك 105-ب. 2-ب. سانكتسياسى بەس جىلعا دەيىنگى مەرزىمگە شەكتەۋ نەمەسە باس بوستاندىعىنان ايىرۋ تۇرىندەگى جازانى, قك 110-ب. 2-ب. سانكتسياسىمەن ءتورت جىلدان جەتى جىلعا دەيىن باس بوستاندىعىنان ايىرۋ قاراستىرىلعان.
14.10.2024 جىلى كۇدىكتىگە قاتىستى قىلمىستىق ءىس كوكشەتاۋ قالالىق سوتىنا جىبەرىلدى.
