70 mlrd shyǵyn: Memlekettik satyp alýda qylmystyq shema áshkerelendi

Foto: ashyq derekkóz

QMA Almaty qalasy boıynsha departamenti qurylys salasyndaǵy memlekettik satyp alýlarǵa qatysý barysynda jalǵan málimetterdi qoldanǵan adamdar tobyna qatysty sotqa deıingi tergep-tekserý jumystaryn júrgizýde, dep jazdy qandastar.kz

Tergeý barysynda 2021 jyldan 2024 jylǵa deıin qylmystyq shemaǵa qatysýshylardyń jalǵan kompanııalar arqyly qurylys jumystaryn júrgizýge arnalǵan tenderlerde reıtıngterin kóterý maqsatynda qoldan jasalǵan qujattar men jalǵan málimetterdi paıdalanǵany anyqtaldy.

Mundaı qyzmet úshin uıymdastyrýshylar 500 myńnan 1,5 mln teńgege deıin syıaqy alyp otyrǵan.

Zańsyz jolmen alynǵan jalpy tabys 664 mln teńgeden asyp ketken. Bul qarajatqa 11 avtokólik pen 12 jyljymaıtyn múlik (5 turǵyn úı men 7 jer ýchaskesi) satyp alynǵan.

Tergeý boljamy boıynsha, zańsyz áreketterdiń nátıjesinde birqatar uıymdarmen jalpy somasy 70 mlrd teńgege jýyq kelisimsharttar jasalǵan.

Tórt kúdikti ustalyp, tergeý ızolıatoryna qamaldy. Tergeý amaldary jalǵasýda.

QR Qylmystyq-proestik kodeksiniń 201-babyna sáıkes, basqa aqparat jarııa etýge jatpaıdy.