جاڭالىقتار
70 ملرد تەڭگەگە جۋىق قارىز: اباي وبلىسىندا اۋديت جۇرگىزىلدى
فوتو: اشىق دەرەككوز
اباي وبلىسىنىڭ ەكى جىلداعى قارىزى 70 ملرد تەڭگەگە جۋىقتاعان. سونىڭ 16 ملرد تەڭگەسى بيىل ساۋىردە وتەلگەن, دەپ حابارلادى Qandastar.kz.
بۇل تۋرالى جوعارى اۋديت پالاتاسى حابارلادى. وڭىردەگى 12 وبەكتىدە اۋديت جۇرگىزىلدى. تەكسەرىس بارىسىندا 6 كۆازيمەملەكەتتىك سەكتوردا 224 ملن تەڭگەدەن استام سوماعا قارىزداردىڭ سىياقى سوماسىن جانە نەگىزگى بورىشىن ۋاقتىلى وتەۋ بويىنشا مىندەتتەمەلەردى ورىنداماعانى انىقتالدى. تاعى 3 نىسان 711 ملن تەڭگەدەن استام سوماعا بۋحگالتەرلىك زاڭنامانى بۇزۋعا جول بەرگەن.
«بىردە-ءبىر مەملەكەتتىك ورگان بورىش بويىنشا ستراتەگيانىڭ تيىمدىلىگىنە جانە ونىڭ ءوڭىردىڭ قارجىلىق جاعدايىنا تيگىزەتىن اسەرىنە تۇراقتى تالداۋ جۇرگىزبەيدى. مەملەكەتتىك بورىشتىڭ بيۋدجەتكە, ەكونوميكالىق وسۋگە جانە باسقا كورسەتكىشتەرگە قالاي اسەر ەتەتىنى تۋرالى باعالاۋ جوق», – دەلىنگەن قورىتىندىدا.
1,1 ملرد تەڭگەگە قارجىلىق بۇزۋشىلىقتار انىقتالدى. بيۋدجەت قاراجاتى مەن اكتيۆتەرىن ءتيىمسىز پايدالانۋ 6,1 ملن تەڭگە, ءتيىمسىز جوسپارلاۋ 143,3 ملن تەڭگە بولعان. ىقتيمال شىعىندار مەن جىبەرىپ العان پايدا 20,6 ملن تەڭگە بولدى.
