70 mlrd teńgege jýyq qaryz: Abaı oblysynda aýdıt júrgizildi

Foto: ashyq derekkóz

Abaı oblysynyń eki jyldaǵy qaryzy 70 mlrd teńgege jýyqtaǵan. Sonyń 16 mlrd teńgesi bıyl sáýirde ótelgen, dep habarlady Qandastar.kz.

Bul týraly Joǵary aýdıt palatasy habarlady. О́ńirdegi 12 obektide aýdıt júrgizildi. Tekseris barysynda 6 kvazımemlekettik sektorda 224 mln teńgeden astam somaǵa qaryzdardyń syıaqy somasyn jáne negizgi boryshyn ýaqtyly óteý boıynsha mindettemelerdi oryndamaǵany anyqtaldy. Taǵy 3 nysan 711 mln teńgeden astam somaǵa býhgalterlik zańnamany buzýǵa jol bergen.

«Birde-bir memlekettik organ borysh boıynsha strategııanyń tıimdiligine jáne onyń óńirdiń qarjylyq jaǵdaıyna tıgizetin áserine turaqty taldaý júrgizbeıdi. Memlekettik boryshtyń bıýdjetke, ekonomıkalyq ósýge jáne basqa kórsetkishterge qalaı áser etetini týraly baǵalaý joq», – delingen qorytyndyda.

1,1 mlrd teńgege qarjylyq buzýshylyqtar anyqtaldy. Bıýdjet qarajaty men aktıvterin tıimsiz paıdalaný 6,1 mln teńge, tıimsiz josparlaý 143,3 mln teńge bolǵan. Yqtımal shyǵyndar men jiberip alǵan paıda 20,6 mln teńge boldy.