Jańalyqtar
70 myń teńgeniń shokoladyn urlaǵan qazaqstandyq sot zalynda bosatyldy
Foto:Kollaj Stan.kz
«Merci» jáne «Qazaqstan» shokoladtaryn urlamaq bolǵan Jezqazǵan turǵynyn sýpermarket ákimshiliginiń ókilderi sot zalynda keshirdi. Bul týraly qandastar.kz Stan.kz aqparat agenttigine silteme jasap habarlaıdy.
Er adamǵa Qylmystyq kodekstiń 24-babynyń 3-bóligi (Qylmysqa daıyndalý jáne qylmysqa oqtalý), Qylmystyq kodekstiń 188-babynyń 1-bóligi (Urlyq) boıynsha qylmys jasady degen aıyp taǵyldy.
«2024 jyldyń 14 jeltoqsanynda azamat E, «S» sýpermarketinde jumysshylardyń joǵyn paıdalanyp, jalpy somasy 71 544 teńge bolatyn «Qazaqstan» markaly 33 jáne «Merci» markaly 22 shokoladty jasyryn túrde urlap ketken. Alaıda sýpermarketten shyǵyp bara jatqanda kúzetshiler toqtatyp, urlanǵan zattardy alyp qalǵan», – delingen sot habarlamasynda.
Er adam óz kinásin tolyq moıyndap, jasaǵan áreketine ókindi. Jábirlenýshi tarap jaýapkermen tatýlasqanyn jáne qosymsha talaptardan bas tartqanyn habarlady. Nátıjesinde sot qylmystyq isti qysqartyp, azamat qylmystyq jaýapkershilikten bosatyldy.
Qaýly zańdy kúshine endi.
Aıta keteıik, buǵan deıin Astanada dýbaı shokoladyn satyp adamdardy aldaǵan alaıaq 3 jylǵa sottalǵany týraly jazǵan edik.
