ءبىلىم
74 جاستاعى قازاقستاندىق زەينەتكەر زاڭگەر اتاندى
فوتو: Instagram/proskurinavp
الماتىدا تۇراتىن, مەكتەپكە دەيىنگى تاربيە سالاسىنىڭ مامانى ۆالەنتينا پروسكۋرينا 74 جاسىندا تاراز قالاسىنداعى ۋنيۆەرسيتەتتەن زاڭگەر ماماندىعى بويىنشا ديپلوم الدى, دەپ جازدى qandastar.kz
بۇل تۋرالى Stan.kz اقپارات اگەنتتىگى «24kz»ارناسىنا سىلتەمە جاساپ حابارلايدى.
ۆالەنتينا پاۆلوۆنانىڭ العاشقى ماماندىعى ينجەنەر-ەكونوميست. ەندى ول زاڭ فاكۋلتەتىن ءبىتىرىپ, ديپلومدىق جۇمىسىن «جەكە بالاباقشالاردىڭ قىزمەتىن رەتتەۋ ماسەلەلەرى» تاقىرىبىندا ۇزدىك قورعادى, دەپ جازادى ەكى جىل بويى ول بىردە-ءبىر لەكتسيادان قالماي, زاڭ سالاسىنىڭ جاڭا قىرلارىن قىزىعۋشىلىقپەن مەڭگەرگەن.
ۆالەنتينا پاۆلوۆنا بىلىمگە دەگەن قۇشتارلىقتىڭ جاسقا قارامايتىنىن دالەلدەدى. ۋنيۆەرسيتەت رەكتورىنىڭ ءوزى ودان بەس جاس كىشى ەكەنى دە ەرەكشە جايت. رەكتور مۇنداي جاستاعى تۇلەكتى العاش رەت قابىلداپ وتىر.
«120 جاسقا دەيىن ءومىر سۇرگىم كەلەدى. بەلسەندى, باستاماشىل, ەڭبەككە قابىلەتتى بولىپ قالعىم كەلەدى», – دەيدى زەينەتكەر-تۇلەك.
قازىر ۆالەنتينا پاۆلوۆنا الماتىدا تۇرىپ, جۇمىس ىستەيدى. ول بۋحگالتەرلىك ەسەپ بويىنشا 20-دان استام كىتاپ پەن ماقالانىڭ اۆتورى. توعىز نەمەرە مەن ەكى شوبەرەنىڭ اجەسى ەندى ماگيستراتۋراعا ءتۇسۋدى دە جوسپارلاپ ءجۇر.
ايتا كەتەيىك, الماتىلىق مانەرلەپ سىرعاناۋشى ميحايل شايدوروۆ 2026 جىلعى وليمپياداعا دايىندىق ءۇشىن گرانت يەگەرى اتاندى.
كوكشەكتاۋلىق تۇلەك الەمنىڭ 24 ۋنيۆەرسيتەتىنەن شاقىرتۋ الدى
ۇبت-دان 140 بالل جيناعان تاعى ءبىر الماتىلىق وقۋشىعا پاتەر بەرىلدى
ەسكە سالايىق, بۇعان دەيىن اقتوبەدە 83 جاستاعى زاۋزا مولداباەۆا «كۇمىس ۋنيۆەرسيتەتى» جوباسى اياسىندا اعىلشىن ءتىلى مەن كومپيۋتەرلىك ساۋاتتىلىقتى ۇيرەنگەنىن جازعان ەدىك. 40 جىل مەديتسينادا جۇمىس ىستەگەن زەينەتكەر زاماننان قالماي, جاڭا بىلىمگە ۇمتىلعان جوبا تەگىن, 50 جاستان اسقاندارعا ارنالعان.
